جميل جدا ما كتبتن غالياتي ..

لا حرمني الله منكن


سأعود إليكن بالتفصيل إن شاء الله ...

سامحنني لتأخري

والموضوع مفتوح لكل من يحب أن يسهب ويناقش أكثر .....

فالحديث في هذا يطول , ولنا فيه أجر إن شاء الله تعالى

عزيزتي شام كل شئ في الحياه له سلبيات وايجابيات نحن دوما نتكلم عن السلبيات فقط طيب عزيزتي السؤال المهم ليش بنهاجر لانني سمعت كثير من الاخوات تشتم الغربه طيب ليش اغتربتي كان ظليت في بلدك احسن وتقول جبرت مين جبرك ثم يا عزيزتي الغربه تصنع منا رجال اقوياء ولا تنسي العلم الصحيح الذي ياخذه اولادنا ويتخرجوا بشهادات يرفعون
رؤؤسهم بها الغربه نبعدنا عن اهلنا ولكنها تجمعنا باولادنا وتصنع منهم جيل قوي ثابت بارض صلبه بالنسبه للدين تعرفنا على الدين هنا بعيدا عن النميمه ليل نهار صدقيني عندما قلت غدا رمضان فرحوا اولادي جدا واول يوم اولادي قالوا هذا اجمل يوم ومدرس الرياضه شرحت له بينتي عن رمضان ولم يدعها تركض حتي لا تتعب انا لم انبهر بالحياه
بالعكس انااريد ان اعيش بكرامه واربي اولادي عليها لنتكلم عن الايجابيات عزيزتي لنجدد جيل مؤمن بربه جيل يخترع جيل منتجون وليس بسكويت ينكسر مع اول محاولههذاهو رأى لي ولنبتعب عن السلبيات ولو قليلا وفقك الله عزيزتي

ااااااه يا شام وبكل كل صراحة بقيت مرتين او 3 ادخل النت واشوف موضوعك واهرب منه هريبة او اعمل نفسي ما شايفته لانه من جد موثر فيني كثير ..ولكن اخيرا اتشجعت اليوم ودخلته ...كلامك وافكارك نفس ما عندي ... خاصة بعد عودتي من عند اهلي ....

والله ما اعرف ايش اقول .. الكلمات تخونني ...كل ما كلمت اهل زوجي بيحكوا لي عن الاولاد والعربي والقران وانا عم حاول جهدي بس بحس الايات والعربي الفصحة صعبة جدا جدا عليهم والله اليوم قضيت وقت طوييييييييييل وانا اعملهم فقط اول ايتين من سورة الفتح ...وبذلوا جهد عنيف لحتى في النهاية ابو ال4 سنوات قال ما بدي احفظ وتركني ومشي وابو الست سنوات يقول كلمة ويوقف .... بحس حالي رايحة ابكي من كتر ما بتعب معهم وبحس هذا كله بلا فائدة

والي بيزيد الطين بلة ... بنت حماي ماشاء الله تبارك الله بنتها ما طبقت عشر سنين " على ما اعتقد" وحافظة سورة البقرة كاااااملة ماشاء الله تبارك الله ...حماي بقول لي السبب ان امها متابعتها وما بتتركها ...هالشي بخليني افكر هل انا المقصرة ..طيب عم ابذل جهدي بس مافي فايدة فشو الحل .....

هالحكي كله بس عن قصة حفظ القران فما باك بالاشياء الاخرى الصلاة والصيام والعربي وغيره وغيره من الي ذكروه الاخوات ...

باختصار جوابي على سؤالك اني قلقة وقلقة جدا واتمنى العودة اليوم قبل الغد ولكن ...تبقى مجرد امنيات تتبخر على صخرة الواقع

اما عن التربية فو الله انا ما بعرف ..انا بشوف تربيتهم منيحة والحمد لله يعني فاهمين كوننا مسلمين وما بتعمل الاعياد والشغلات متلهم ولكن بحس بتضل شي مزعج بالنسبة لهم ..يعني بنتي اليوم جابت يقطنية من المدرسة وقال بدها تعمل منها الشبح مثل الي بيعملوه بعيد الهلوين قلت لها نحن مسلمين وما بنعمل هيك فاصدرت صوت يدل عن الاعتراض وبعدين تنهدت وقالت : طيب

يعني بحس اولادنا جميعا نحن المسلمات في الغربة فاهمين الوضع عارفين ان نحن مسلمين وان ما بتعمل الاعياد وسبب التحريم وكل شي لكن لما بيجوا وبشوفوا هالشي قدامهم وبشوفوا الاحتفالات لازم يتأثروا حتى بدون ما يشعروا

حكيت كتير ومعتز سرح بالبيت ...ألله يعننا ويصبرنا ويرجعنا لبلادنا سالمين غانيمين ويرزقنا حسن التربية ويجعل اولادنا من الصالحين اميييين يارب

اعذريني اختي اطلت الكلام بدون ان اذكر ما يفيد ...وسابقى متابعة للموضوع ان شاء الله بعد ما كسرت حاجز الخوف والهرب من الواقع ودخلت عليه

:icon33::icon33::icon33:
اه اه اه ياختي شام خليتي ايدك على الجرح وكلامك اكنونوا احاكي نفسي بصوت مرتفع الله يعينا ويحفظ اولادنا ويستر علينا وعليهم كلما اسمع مشكلة من مشاكل الاسر المسلمة الي عليشين بالغربة الي الاب انسجن والي الاولاد ضاعو واللي واللي اخاف على حالي وقول في نفسي يلربي استر علية وعلى ذريتي
والله ياختي انا برئي ووجه نظري صحيح الام والاب والتربية لها دور على شخصية الطفل لكن خلي انكون واقعين ونفكر بانفسنا لما كنا في سن المراهقة كان المجتمع من صديقات من مدرسة من اقارب وغير الموضة والحرية ووو لها تاثير كبير اكبر من كلمة الوالدة والوالد ربنا يطول باعمارهم يعني انا لما كنت مراهقة اشوف زميلاتي بالمدرسة دائما ايسمعون اغاني دائما حفلات اعياد الميلاد واهتمامات اخرى اجي للبيت امي وابوي يقولون لي لا احنا مسلمين وهذا حرام ومايجوز وحنا وحنا مرة مرتين اوكي اسمع كنت كلامهم بعدين اشعر بالملل والضجر اشعر باني انسانة معقدة ومختلفة عن الكل وقلة منهم مثلي ووين القى هل قلة؟؟ هذا بالدواله العربية المسلمة
كيف بالغربة الي 3/4 ايامهم اعياد واحتفالات والاطفال عقولهم وقلوبهم متعلقة بالروضة والمدرسة ومن تريدي تعاقبين الطفل حرمية يوم مايروح على المدرسة وبصراحة اسلوب الغربيين مع الاطفال تاثيرة قوي يعني انا الاحظ المعلمات عدهم صبر وتحمل فضيع غير اعطاء الطفل الثقة بنفسة

اسفة طولت عليكم والله يعيننا على الغربة وتربية اطفالنا ويردنا لديارنا سالمين غانمين يارب العالمين
ورمضان مبارك على جميع وعساكم من عواده

ااااااه والف ااه انا بصراحة متل فتاة كنت مترددة اني رد عاهلموضوع لانو مو بس شاغلني وايام بحس راسي حينفجر منو انا مع الاخت مابل ريدج نعم نحن عايشين هنا بعيدا عن النميمة واولادنا يتعلمون تعليم جيد ان شاء الله ولكن واقف كثيرا عند هذه الكلمة اولادنا يحسون بالنقص في هالبلاد ويحسون انفسهم غريبين صح انا ولادي لساتهن صغار وبنتي لساهي اول سنة الها بالمدرسة بس خاااايفة عليها بشكل مو طبيعي وهلا سجلتها بدورة قران يوم الاحد مشان تحفظ شوي وما بعرف اذا ححطها بالمدرسة الاسلامية يوم السبت لانو خايفة يصير عليها ضغط لانو مدرستها فرنسي انكليزي

بس يا بنات لا تتشائمو نحن بنعمل يلي علينا ومنترك الامر لصاحب الامر خلونا نحاول نقيم الهم ولو انو مارح نقدر بس عالاقل نحاول ونفكر بطرق ايجابية لتربية اطفالنا بالغرب

وبرايي اهم شي انك تشغليلو وقتو للولد باي نشاط روحي او جسدي وتهتمي بمواهبو لحتى ما يعود عندو وقت فراغ ليفكرو ليتاثر بعادات الغرب

اسفة يمكن حكيي مو منظم بس مجرد خواطر حبيت اكتبها