هل أهنت زوجــــــــــــي .. والا تصرفي سليم ..,,

السلام عليكم ورحمة الله وبركاته

وكل عام وانتم بخير اخواتي الغاليات

أنا محتاره ومالي بعد رب العالمين الا انتم ..

أنا لي خوات زوجي ثنتين ساكنين في نفس المنطقه .. لكن لهم اكثر من ثلاث سنوات قاطعين بيت اخوهم وربي شاهد ماغلطنا عليهم

اللي حز بخاطري اني دايم اجبر زوجي يروح يعايدهم ويسلم عليهم .. ورب البيت احيانا يروح وهو ماله نفس
لكن اذكره انها صلة رحم..
عاد ردة فعل اهل زوجي وخواته ..الشماته !!
ويقولون ان مالي كرت عند زوجي .. وانه ماخلا لي قدر وانه مافكر فيني جوني والا ماجوني

يعني انا انوي الخير ..وهم يهينون فيني بكلامهم عند الناس

انا ماهمني نفسي .. لكن اللي همني زوجي لان وحده اليوم قالت لي ليه زوجك مايخلي عنده كرامه وياخذ موقف من خواته علشان يحترمونه ويجون بيته..

والله العظيم كلامها حز بخاطري وحسيت اني فعلا اهنت كرامة زوجي وخليته يروح لناس مطنشينه

الله يسعدكم ريحوني برأيكم في الموضوع ؟؟