هل ابداء الراي والنصح بهالزمن اخرته دعاوي وتحسب عجبي من هالزمن

السلام عليكم

بادخل بالموضوع البارحه يابنات شفت موضوع لوحده من البنات تستفسر عن دولاب احذيه الي بعجلات الدائري

عاد انا بطبيعتي لاشفت مواضيع مثل هالمواضيع ادلي براي المهم كانت حاطه انه

كلمت ثنتين من تاجرات النت وحده تقول 185 والثانيه 175 بهالحدود ويعلم الله انه بردي عليها

ماقصدت شي سواء الافاده لها وشفت السعر مبالغ مره وانا شفته بقصر الاواني ب99 ريال

قلت لها خذيه من قصر الاواني ارخص ولاتاخذيه من التاجرات قصدي هالتاجرتين لاني شفت السعر

مبالغ وقصدت افادتها المهم صاحبة الموضوع شكرت كل من افادها وقالت راح ادوره ماراح اشتريه

من التاجرات

وتوالت الردود طبعا من التاجرات الي تقول لالقيته بهالمبلغ علميني والي تقول تقليد مو اصلي

وبالاخير وحده تتحسب وتتدعي انه قطعت رزقها طيب مو الرزاق رب العالمين مو انا

وليش نتهاون بهالدعاوي جيت ارد حذفوه الموضوع حسيت بغبنه من الموضوع

والله ماعمر ي دخلت موضوع تاجره بالمنتدى وعارفه انه بضاعتها غاليه ومو سعرها الحقيقي

لكن ماعلقت اتفرج ولارديت رديت بالتوفيق

ولاقلت راي بشي صرت قطاعة ارزاق اعوذ بالله

انتي لاكنتي تبين تشترين شي قبل تلفين وتشوفين الارخص وبعدها تاخذين وتقررين

عجبي من بعض العقليات وترو التاجرات مو سواء فيه ناس تخاف ربها والله موسع عليها

ولاتجيني وحده تتحسب علي او تتدعي كتبت شي بخاطري ماقدرت اكتبه من الموضوع الي انحذف

واللي تهزات بي ودعت علي مااقول الا الله يسامحك ويهديك تري الدعاوي شي مب سهل

الله يهدينا ويسامحنا