هل ابلغ ع زوجي والبنات الي مسوي معاهن علاقه ؟

انا متزوجه من ثلاث سنوات وعندي بنت ربي يحفظها وصديقتي الي معي بالدوام هي الي قالت لي عن زوجي انه ناوي يخطب ويصير زوجي وزوج صديقتي اخويا من زمان
طبعاً خويه طيره لفوق وان مافي مثله وانه سفطه لي من غلاه خويه ومن غلاتي عند زوجته
تزوجنا والامور كويسه ولا لاحظت عليه اي شي
قبل اربع ايام جاء للبيت تعبان يقول معي حراره ومنهد حيلي قلت اكل علاجك ونم
وقبل لاينام كان يلعب مع بنتي ومعطيها جواله دايم يفتح لها ع اليوتيوب اغاني للاطفال زوجي نام والجوال مع بنتي لعبت فيه بعدين حذفته اخذته ودخلت الواتس كذا من باب الفضول بشوف منهم اخوياه وشلون اسلوبه معهم يعني ماكان بنيتي اي شي ااابداً لقيت من المحادثات الي فوق مسمي خويه باسم قبيلته يعني مثلاً ( العجمي ) يعني بدون اسم ع عكس الباقين الي باسمائهم واسم العايله دخلت عليه وهذي المصيبه طلعت بنت حافظ اسمها باسم رجال وينادي عليها والرسايل ورا بعض وينك اشتقت لك وهي طااااف وطلعت اقرى فوق الا هم يتمازحون وهي كاتبه ترا اخلعك قال ماتقدرين تطلقيني والمحادثه طووووووويله وكلها ووعود وشوق حتى توقعت انه متزوج عقب هالكلام
اقرى واديني و رجليني قامت ترجف من هول الصدمه المحادثات هذي من قبل لا اتزوج وللحين متواصل معاها
وطلعت من محادثتها ادور ع الاسماء الي برموز وفعلاً حصلت ١ و ٢ الي ٥ كلهن بنات وكله الاخ مشتاق وكله ماينادي الا يالاميره ويالحب وخلينا نطلع وكله يقط ووجهه عليهن وهن يبطن مايردن انا اشوف تاريخ المحادثات بالهجري والي طلبت فلوس وصور لها التحويل والي طلبت ايفون وشحن ويعزم ع وحده متزوجه وعندها عيال ع الشاليه كان الاخ يبي فندق بس هي قالت لا الفندق شبهه عقب حجز شالييه وشرطت قبل لا اجي تدق ٢٠٠٠ ريال ولقيت محادثه له مع واحد شكله هو الي يضبط الوضع يسئله مين فيه قال هذاك يعجبك بنات مزين وشرب وخمري فل وقله ادب انصصصدمت ابد ابد ياناااس زوجي ماهو واضح عليه ودايم يقولي ماحب الاماكن الي فيها تجمع الحريم مثل السوق يقروشني اذا طلبت نتسوق
ومحادثه ثانيه قديمه مع زوج صديقتي يسئله وش صار وعلمه انه توه طالع من الفندق وكلام قذر جداً
صورت المحادثات كلها وحفظت ارقام البنات وبعدين سويت لهن ولخويه الي يضبط لهم الوضع بلوك مع تبليغ
وطبعاً ذيك الليله ماقدرت انام الساعه وصلت ٤ وانا مصدومه الا اسمع صوت نغمه الرسايل وخده منهم مرسله له معايده وكاتبه ادري انها متأخره حظرتها ع طول
ارسلت ع صديقتي نطلع كافي وطلعنا وسئلتها عن زوجها وش تعرفين عنه هنا صديقتي عندها خبر عن زوجها بس تقولي اعترف لي انه قبل الزواج راعي سفر وبنات اما شرب وخمر لا
وطلبت صديقتي اني ارسلها عليها عشان تواجهه زوجها وفعلاً تمت المواجهه بس حط اللوم علي قال اولاً كل الشباب وانا اولهم نلعب ونخبص قبل الزواج بس خلاص بعد الزواج نعقل وهذا للحين ماعقل خليها ( الي هي انا ) تكربه وتضغط عليه وتادبه عشان يبطل
وبعدين قلبها علي يقول هذي رسايل قددديمه شلون نخشتها
زوج صديقتي هذا كان فووق واحترمه بس الحين اتحسب عليه وصديقتي تقولي تكفين لاتدعين عليه
لان عنده خبر ويدري انه راعي بنات وسهر بس يبرر لنفسه يقول احسبه بطل بعد العرس الحين دورها هي تكربه
ماعاد فيني للمشاكل ابببد لكن انا فكرت ابلغ عالبنات عشان يجيه الخبر وينخرش ويبطل سهر
وممارسين الزنا ولاحين ماشبع
انا يابنات ابد مالاحظت عليه اي شي بالمررره اصلاً من يجي مشتااق لي بقوه ولاهو راعي شك او يتجسس والفلوس ماتهمه
الي نقدت عليه من اخذته صلاته مو حريص بقوه خاصه الفجر لو يقعد الساعه ١١ ماعنده مشكله ولا فيه تأنيب ضمير انه اخرها مايعرف شي اسمه قرآن ولاشافته عيني معه المصحف يقرا واذا واجهته يقولي اقرا من جوالي > منحرج مني
وكلامه الي دايم عن البنات المزين
لكن انا دايم افشله و اعيبه بنفسه وتقصيره مرات يرقع ومرات اذا قعد يعلمني قعدت وصليت ورجعت انام كنه طفل
وش السواه ابلغ عن البنات والا اهدده واواجهه والا اطلب الطلاق
( الزاني لاينكح الا زانيه او مشركه) والحمدلله انا مسلمه وطاهره واستحق الطيب لان الطيبون للطيبات
وحسبي اللَّـَـَـَـْـْہ نعم المولى ونعم الوكيل