اااااه جبتيها على الجرح ....مقيديني بناتي احس مربطيني بسلاسلل وقيوووووود تصدقين حتى اللبس احيانا اذا عندي طلعه وهما معايه مااخذ راحتي فيه بنتي الصغير ه تسحب وتمغط فيه ياقلبي الله يحفظها ..انا احس انغمست معاهم .احس اندثرت هههههه من مجاميعوووه ...صاروقتي ضيق جدا وزوجي نفس الشي حتى النوم .بس الطلعات والرياضه يموتو هما فيها عشان كذا اخذهم معي والتسوق يحبوه بس تعودت على ازعاجهم اي مشوار هما يكونو معي مره قلت لزوجي نفسي اخذ اجازه من حياتي اسبوع كان عندي بس بنتي البكر وحامل في ولدي وكل شي طبيعي سبحان الله تعبت ودخلت المستشفى تنومت اسبزع كنت ابكي شوق لبنتي وزوججي وكنت مجبوره على التنويم حسيت بالنعمه الي كنت فيها وبعدين ولدت ومات ولديالله جدا مولم الموقف صرت حنونه اكثر وربي عوضني ببنوته يارب لك الحمد .يارب احفظ لي بناتي واصلحهم ياااارب ..الشي الي يحز في خاطررررري اني احس بتأنيب الضميييرر في تربيتي لهم دايم قلبي يعورني.يارب دبرني في تربية بناتي فأني لا أجيد التدبيىرا .

ههههههه استوقفتني امنيتك.. اجازة من حياتي اسبوع كلنا ياختي ودنا نهج لو ليلة بس خلاص انتي ام ومسؤولة عاد تدرين امي تقول يازينكم وانتم صغار عندي في البيت الحين كل واحد تزوج وراح وصرت وحيدة في هالبيت أتذكركم وانتم صغار والله قلبي يوجعني اذا قالت كذا مع اننا زحمة عندها احنا وصغارنا بس هي حنت لطفولتنا.

الاطفال زينة الحياة الدنيا وهالكلام من رب العالمين مو كلام بشر

صحيح هم في بعض الاوقات يقيدونك لاكن مستحيل تكونين طول حياتك مقيده

يعني مثلا لمن يكونو الاطفال صغار من عمر 7 سنوات و اصغر يقيدونك في امور كثيره مثلا ذهابك للمناسبات و العزايم في وظيفتك في دراستك ماتقدرين تخلينهم لحالهم في البيت لو ماعندك خادمه تمسكهم لك مثلا تضطري انك تكنسلي مواعيد وزيارات كثيره بسبب هالامر وبكذا تكوني مقيده بهم

لاكن من ناحية الاهتمام بالنفس والعنايه والدلع اكيد في وقت على الاقل لو مره في الاسبوع مو شرط كل يوم

انا عندي بنتين الله يحفظهم كلهم في سن صغير لسا مادخلو المدرسه اكيد بتعب معاهم في تربيتهم واكلهم ونومهم وكل شي ولمن ينامون ماقدر اسوي اي شي لنفسي لان طاقتي نفذت خلاص

لاكن احاول اعوض هالشي لو مره في الاسبوع مثلا اخليهم ينامون في الليل واروق لحالي واسوي ماسكات لوجهي ولشعري اسوي حمام مغربي لنفسي بدي كير ومنكير والي اقدر عليه على الاقل مره في الاسبوع احسن من اني ما اسوي هالشي نهائي

وطبعا لو حصلت لي فرصه اني اسوي هالشي مره ثانيه وكنت نشيطه مابقصر ابدا

مع العلم اني مسئوله عن بيتي من تنظيف وتنظيم ومقاضي وكل شي وبناتي وتربيتهم و الركض وراهم طول اليوم وزوجي جاته اصابه والان مقعد ويبيله معامله خاصه مايتحرك بحريته وطالبه في الجامعه انتساب ومذاكره واختباارات يعني مسئوليتي يمكن اكبر من مسئولية كثير من الحريم والبنات لاكن الحمدلله لازم اعطي لنفسي نصيب عشان اجدد طاقتي

طبعا كان نومي منظم انام بدري واصحى بدري لاكن من يوم اصحى ما اجلس مع نفسي ساعه او ساعه ونص ويصحون بناتي وتبدأ المجاهده معاهم الله يصلحهم

خربت نومي وصرت اسهر للفجر على الاقل اكون من الساعه 11 الليل مثلا الين الفجر متفرغه اسوي كل شي ابيه ارتب البيت قبل ينامون عشان اول ماينامون اكون مروقه وفاضيه اسويلي كوفي اتابع فيلم اهتم بنفسي شوي اذا فيني حيل اسوي رياضه كمان لو نص ساعه وبكذا اكون اتفرغت لنفسي وسويت الي ابيه بهدوء وروقان

الله يرزقني الذريه الصالحه يارب ماعندي خبره بس من الي اشوفه مسكينه بت عمي ماتطلع ابد كل ماراحت مكان تضايقو من عيالها وقالو لها امسكي هذا وهذا شيطان وهذيك موصخه وسكتي هذي هي عندها ولد وبنتين واعمارهم قريب بعض واحس فعلا العيال يقيدون الحريه ومسؤوليه كبيره اذا كانت أعمارهم متقاربه

الله يحييك ..انا ما اسميه تقييد بل انطلاق وجمال وسعادة تكتمل به الحياة هم اولى الاولويات وهم شمعة المنزل عبارة اعجبتني كتبتها الاميرة حصة بنت سلمان أن القصر بلا أطفال كالمقبره الأنيقه !!