هل اتطلق قبل الدخول؟ساعدوني ارجوكم

السلام عليكم
انا عندي مشكله كبيره ومحتاره انا متمكه بس مومقتنعه بزوجي ونفسيتي تعبانه لدرجه ان زواجي بعد شهر وللحين ماجهزت ولا اهتميت!!!!!!
انا متخرجه من الجامعه من سنه والحمد لله مو ناقصني شي جمال واخلاق وعايله وعايلتي صغيره فاهلي مايردون لنا طلب الله يخليهم تملكت لشخص لاحضت فيه اختلافات كبيرره عني اولا وظيفته ودراسته عاديه وانا كان طموحي اكبر من كذا وتقدم لي ناس مناصب ودراسات عليا بس ماحصل نصيب هو قال قبل بنسكن في شقه مستقله تبع بيت اهله وقال لابوي انو المساله موقته سنه سنتين بس من كلامي معاه اكتشفت ان ابوه تارك كل شي عليه يقول ابوي بس يوقع شيكات وانا اللي اشتري الاغراض واودي اهلي لمشاويرهم ابوه متزوج وحده ثانيه وساكنين كل وحده بفله جنب بعض والحين توهم ياثثون ومين ياثث؟؟؟؟طبعا زوجي هو اللي يروح ويتقضى لهم وكل شي يجلس بالخمس ايام مايكلمنيي واذا سالته يقول مشغول يعني 5 ايام مايلقى دقيقه يشوف اخباري؟؟؟؟؟كل مره اعدي ومررررره عصبت ورجعت فهته طبعي اني حساسه واحب احس باهتمامه وقال اوكي مالك الا اللي تبين بس ماتغير ششي!!!!!!!
الاسباب تقولون تافهه بس الناس تختلف انا عصبيه وحساسه ومعوده على الاهتمام ومن كلامه عن ارتباطه باهله واضح اننا راح نسكن معهم على طول مو سنتين زي مايقول بس انا كان ودي يصارحني بظروفه ويواجهني مو يلعب علي واذا تزوجت اتفاجا ببيئه جديده وانا طبعي ما اتنازل عن حقي على فكره هو من عايله ثانيه ماكنا نعرفهم قبل واحس دايما انه يلمع عمره بالكلام بس ما اشوف فعل انا رومانسي جدا بس في المقابل ماشفت من الرومانسيه والاهتمام شي!!ودايما يقول اطللبي وانا انفذ سيارته جمس تبع العمل قلت مو حلوه معاريس ونركب سياره عائليه قال ودي اوفر الفلوس واشتري سياره عليها القيمه قلت اوكي تقدر تغير سيارة العمل بسياره صغيره قال ايه اقدر بس هاذي حلوه اذا رحت البر مع الشباب في التطعيس!!على فكره ماديته حلوه وهو كبير عمره فوق الثلاثين يعني مو توه صغير اقول حرام توه رااتبه على قده
وش رايكم هل الموضوع يستاهل الانفصال لاني خايفه اتزوجه وما ارتاح واجلس حياتي كلها هم ونكد احس الاسباب ما تستهاهل الانفصال بس احس الانفصال الحين اهوووون بالف مره من بعد الزواج وش رايكم ؟؟؟؟؟؟؟وهل المجتمع يتقبل اللي تتطلق قبل الدخول يعني يعتبرها مطلقه والا عادي مفسوخه خطبتها؟
ارجوووكم ابي رايكم تعبت من التفكير:(