هل اتطلق ؟ نصيبي واقف مع هالرجال ...

السلام عليكم ورحمة الله وبركاته
اسعد الله اوقاتكم جميعا بكل خير ..
خواتي الغاليات ما اخفي عليكم انه صعب علي طرح مشكلتي بينكم
ولانه ايضا يصعب تحديد فئات واعمار وطريقة تفكير كل من يمر على موضوعي لكن اتمنى من كل وحده تحط نفسها مكاني
او تعتبرني بنتها وجايه استشريها ابغى اجابات صادقه واقعيه لان الموضوع مره يهمني ..
بالبدايه انا عمري 33 سنه , متزوجه من 17 سنه وماعندي اطفال < تزوجت و عمري صغير
تعبت من العلاج والمتابعات وربي ماكتب لي الذرية .. حاولت اضيع وقتي بالشغل والدراسه اخذت دبلومات ودورات
لعلها تنفعني والاقي وظيفه تشيلني شوي وللأمانه صرت اشوفها الامان والملاذ لكن لا جدوى ..
حياتي فاضيه وفارغه , نصيبي واقف لا ذرية ولا وظيفه ولا استقرار والعمر يمشي
احس ماني قادره امسك شئ غير عن كذا اهل زوجي غير مريحين ومتعبيني كثير يعني العلاقه تعبانه مره
و زوجي وضعه المادي تعبان لو يجي طفل انا متأكده مارح يقدر يصرف عليه
واحس الدنيا قافله علي من كل صوب احس زوجي شؤوم علي ..! خاصه اذا شفت الي حولي والبنات الي بعمري
ولاهو حسد يشهد الله بس احس الحياة ماشيه اليوم مو مثل امس وبكره مو زي اليوم
انا حياتي جامده مكرره كئيبه .....
افكر بالطلاق و اشوف مستقبلي خاصه ان عمري ابدا مو صغير لكن خايفه .. خوفي مو من الناس لا ابدا ..
خوفي ع نفسي من التجربة الثانيه وش تكون ؟ وكيف ومع مين ووين ؟
احس نفسي مشتته ابغى اعيش ابغى الحياة ...
افيدوني :(