لا اله الا الله وحده لا شريك له

اختي بارك الله فيك شكلك مره عاقله وفاهمه

استحملي واحتسبي الاجر من عند الله

ونصيحتي لك لا تقولين ولا تشتكين لزوجك ولا تقولين اختك فعلت وامك عملت

انتي مره كبيره وفاهمه انا للحين ما تزوجت لكن من واقع الحياه اعرف اتصرف

لكن مهما عملوا فيك اهل زوجك اسكتي وتغيري حبي زوجك وحبي بنتك

غيري حياتك شوي انظري لها بمنظار ثاني ,, لطفي الجو بينك وبين زوجك

ادري صعبه لكن هذا زوجك وصدقيني قضيتي معاه اجمل لحظات حياتك وابو بنتك

وانقذك من ابوك ,, ياليت تنتبهي عليه ,, وهو اكيد عنده ضغوط بس الرجال طبعهم ما يشتكون

مب نفس الحريم ,, صدقيني هو بعد متضايق بس يبغي يشوف المره الي تسعده وتقول له لبيه وان شاء الله

وهذا مب معناته ما عندك شخصيه بالعكس انتي الي بتكونين مرتاحه اخر راحه يا رب ,,

وتجني اخته وامه وخليك رسميه معاهم ولو قالوا لك كلمه واغلطوا عليك قولي الله يسامحكم

ولو قدرتي تكلمين ام زوجك بينك وبينها كلميها لحالك قولي لها انا بعيده عن امي واعتبرك مثل امي بس ,, كلامكم لي يضايقني

انا اعتبرك مثل امي ومن هذا الكلام خليك طيبه وصدقيني بيجي يوم الكل بيرجع لك وبيذكرون طيبتك

وبيقولون فلانه ظلمانها ومسكينه لكن انتي مب مسكينه انتي قويه لان انتي حالمه وصابره

وتناقشي مع زوجك بهدوء من غير مشاحنات ومن غير لف ودوران وقولي له انت زوجي وصح راتبي وراتبك واحد

وخلنا نبني البيت مع بعض ,, وان شاء الله يقدر يفهم وقبل هذااااااااااااااااااااااا كله

قولي له انت رايق عشان تنتاقش ونلاقي حل للموضوع اذا اي تناقشي

وابتعدي عن الصياح لان ما فيه نفع ,, انا قلت الي اشوفه عدل ,, وان شاء الله الله يهديهم ويطول بالك اكثر واكثر ,,

ترى الزوج يحتاج حنان وعطف وكلمه حلو ولمسة حنان اكيد مفتقد قربك له

وعمره ما بيجي يقولك اعكلي وافعلي وانا ناقصني انتي ابدي

الحياه تضحيات في كل شي اذا مب عشانك عشان البنت الحلوه الله يخليها لكم يا رب

صدقيني زوجك يبي يطلعك في بيت ويفرحك لكن ما باليد حيله اكيد ما عنده فلوس

لكن انتي صابره واستحملي وطمنيني عليك

وابتعدي عن الادويه ,,لها اضراره بعيده المدى ,,

ما اعرف ايش اقول بس ابيك تطمنين عليك ارجوك ..

لا تيأسي الامر محتاج حل منك انتي احنى خواتك بالمنتدى نعطيك النصيحه لكن انتي الي تقدرين

تحلينها مب احنى لان الدور الاول والاخير لك انتي

انتظرك اختي برد يبرد الخاطر ونتائج ايجابيه ,, وعسى الله يكون في عونك يا رب