هل احمل دون رضا زوجي؟؟

حبيباتي انا محتارة جدا
انا مش صغيرة بالعمر سابلغ قريبا 33 ان شاء الله وعندي طفلين 6 سننوات و3 سنوات وزوجي عمره 35
انا حابة كتير احمل وانجب لاني لست صغيرة لكن زوجي رافض الموضوع تماما لان طفلي الاول عذبنا جدا بطفولته والان عنده ضعف باللغة ويروح لمدرسة خاصة ومرض كتير بطفولته
المهم كلما افتح سيرة الانجاب زوجي يغلق الموضوع ويقول انت طفليين مش قادرة تقومي فيهم
وشقتنا صغيرة فيها فقط غرفتين نوم
اذا الان زوجي لا يريد اطفال اخرين وانا اقارب منتصف الثلاثين فمتى سيرضى بعد فوات الاوان؟؟؟
شاورت والدتي وقالت عادي ارمي الحبوب بالسر ولا تبلعيها
فكرت بالموضوع لكني خائفة جدا من النتائج وخايفة اكتر من المستقبل
بخاف ما اتوفق مع الاطفال لاني انجبتهم دون رضا والدهم
ولا اكتمكم السر
امي هكذا انجبتنا دون رضا والدنا والله احنا ما توفقنا بحياتنا ودايما افكر انه السبب امي
لانها كانت تكب الحبوب وتحكي لابي انها كانت تاخدهم
عندي احساس انه هاد عقاب من ربنا لانها انجبتنا تحت الامر الواقع
وخابفة اغلط نفس غلطتها والله ما يوفقني باولادي وما بعرف اذا رح اخد اثم
وكمان خايفة يضل زوجي رافض وانا مش صغيرة وما انجب كمان
طبعا انا فهمت زوجي اننا مش صغار وانه ممكن يفوتني الاوان لكنه ابدا رافض
انتم شو رايكم؟؟؟