هل احنا غلطانين لو طنشناها

سلام حوائيات
عندي اخوين الله يحفظهم لنا
الكبير متزوج وساكن معنا بنفس المنطقه وزوجته طيوبه وبنت حلال والثاني تزوج من ست شهور تقريبا وسافر مع زوجته مدينه ثانيه عشان عمله ...ومن وقتها بس نتطمن عليه بالجوال ..في هذا العيد قال انه بيجي يعيد معنا ..امي الله يحفظها مره فرحت وكانت بتجهز له حفله صغيره عشانه لانه عريس وماشافته من تزوج مشى على طول ...عاد جهزنا معها لا ستقباله ..وكنا مخططين يكون اول يوم العيد بالليل الحفله..هي بسيطه ماهي متوسعه ..بس خواتي واخواني واولادنا ونسوي جو بسيط...عاد يوم العيد الصباح جو كلهم وتعايدنا وسولفت لزوجة اخوي الكبير انه ممكن نسوي حفلة صغيره لاخوي الصغير _من باب السواليف لا اكثر .لاني اخذه رايها ولا شي_الا تفاجات بردة فعلها ..تهاوش وتخاصم وتحلف والله ما تقدرون تسوونها ..تقول انا معكم دايم ليه ما تسوون لي حفله ..انا فهيت فيها صراحه وعلى بالي تمزح ..وماقلت لها اننا ناوين نسويها بالليل ..عاد بالليل اجتمعنا كلنا ونادينا اخوي وزوجته بالصاله ودقينا عليهم وانبسطت امي وتمت ...هنا انفجرت زوجة اخوي الكبير..بسم الله..انا وانا وانا وليه ما تسوون لي....حاطة نقرها من نقر المعاريس..طيب هي ما تفكر ولا تفهم انه ماشفناه من تزوج سافر على طول وما نكلمه الا جوال...واحنا مااخطينا عليها بشي ولاجاها منا قلة مقدار...امي قالت لي ولخواتي طنشوها ولا تعذرون لها ...زعلت من راسها ترضى من راسها ...الحين تبغا حفله زيها زيهم..تقول انادايم معكم .....حنا غلطانين لو طنشناها؟احنا دايم معها ماسكين انفسنا وهي كذلك لكن الظاهر انها غيوره جدا وظهرت الغيره بوضوح مع ظهور زوجة اخوي الجديده ......امي الله يحفظها قويه وماراح ترضى نراضيها لو كان مامنا سبب بس انا ما ابي تكبر المسائل الصغيره ولا بزعل امي