ياثر بقوه بس ابدا مو من العقل ان الاهل يرفضون حرام البنت نصيبها وجاها وكان مافيه عيوب ليش يرفضون كل وحده تصبر بيجيها نصيبها الله يرزق كل وحده الزوج الصالح

لا إله الى الله سبحانك اني كنت من الظالميــــن

اسمعي يا عزيزتي الجميله
انا اختلف تماما مع من قالت ياثر وبقوه او ياثر
خذي الامر بكل سهوله وانفتاح على مجتمع يرى ..........
الفتاه الملتزمه العفيفه الجميله التي كتب الله عليها بان تتزوج من رجل يسكر وينكر ويخون ويضرب ويشتم بان اللوم عليها والعيب فيها
الفتاه اللتي تطلب العلم ساهره ساعيه في ان تقدم وتطور الطب في مجتمعنا لعلاج اطفالهم وبالاخص نسائهم ليعشن بخصوصيه وراحه بانها عاهره في المستشفى ,!!!!
الفتاه التي قد تصاب بمرض ضغط او سكري بقدر من الله وحكمه وهي امراض عاديه جدا وجميع مرضى العالم يتعايشون معها ويتزوجون وينجبون اطفالا ويعيشون بسعاده وصحه وهذا ما امرنا الاسلام به يحكم عليهم عزيزتي مجتمعك بالاعدام
الفتاه التي يتاخر زوجها ربما لحكمه من الله واراده يحكم عليها عزيزتي مجتمعنا بانها عانس مع انها اراده من الله ليس لاي احد الحق في ان يصدر الالقاب والالفاظ السلبيه على فتاة لم تختر قدرها ..!!!!
فتاه يتيمه اوصها بها المختار صلى الله عليه وسلم واشار باصبعيه السبابه والوسطى يستغلها مجتمعك لانها ضعيفه وعلى قولتهم ماوراها رجال واذا تزوجت رجال خربان ليس بكفو تجدين المجتمع يصفق له لانه باختصار متجمع لايرحم ولا يحب الضعيف بالعكس قد يقف مع الظالم حبا في القوه خصوصا اذا كانت المظلومه امراه.... بسراحه لا اعلم لماذا .؟!
امراه تزوج عليها زوجها وهي اروع واجمل امراه لكن ربما زوجها لايستحقها او مثلما دائما يقولون (اللي يتزوج جميله يدور اللي الاجمل منها ) اوربما لغرض قصير وينتهي اوربما لانه فقط انسان جاحد وناكر للعشره يضع اللوم على المسكينه اللي كتب ربي لها انها تتزوجه الاولى وربما لو تزوجته الثانيه اولا لتزوج الاولى ثانيه هههههههه شر البلية مايضحك ,,,فقط لان هذي شخصية هذا الرجل
مجتمع يرى المراه اللي تنجب بنات بانها مسكينه مع انها مالها يد بالموضوع هذا كله وتجدينهم عارفين وفاهمين انو الرجل هو السبب بس لازم العيب يبقى على المراه
الفتاه اللتي تتزوج مبكرا بانه متخلفه واهلها متخلفين وانهم دقه قديمه وانهم مايعرفون مصلحه البنت ولو يعرفون مازوجها قبل تخلص دراستها

المجتمع ياحبيبتي لن تدركي رضاه مهما حاولتي ومهما فعلتي ولو قطعتي نفسك لهم وكنتي في غالية المثاليه فهم حاشينك حاشينك

لانك بالنهايه في مجتمع للاسف للاسف يحب يضع اللوم على المراه مهما فعلت وما اقولك السبب الرجال لا بالعكس السبب هم النساء انفسهم

فيا عزيزتي ابتسمي واستمتعي بحياتك وبعمرك ولاتشغلي نفسك بحديث الناس اللي ممكن يسبب لك عقد نفسيه بالعكس

خليك واثقه بالله بانه مخبي لك نصيب كبير واجتهدي بالدعاء بالزوج الصالح وقبل هذا الحياه السعيده

صدقيني ان كل من ذكرتهم سابقا ولم يلتفتوا لكلام الناس ووثقوا بالله عاشوا حياتهم سعيدين وربي رزقهم

اما عباده كلام الناس والخوف منهم ومن كلامهم لن يجلب الا الشقاء والامراض النفسيه صدقيني ان كل فتاة من المجتمع تعاني من شي يتحدث عنه الناس بها مثلا ( نحيفه ,سمينه , مرجوجه وهي يمكن تكون بس خفيفه دم , او ثقيييله وهااااديه ,,,,الخ من الكلام السلبي ) مع اني استغرب هذا الشي من مجتمعنا المسلم المامور بترك الغيبه والنميمه والتنابز بالالقاب


نصيحه لبعض النساء اللي تتهاون بالغبيه والحش مني انا شخصيا ....
اسلامنا جاء ليطهرنا من الاخلاق السيئه والغيبه والنميمه وللاسف بعض النساء تجدونها تسبح الليل والنهار وتستغفر وتعتمر كل سنه وعبايتها على راسها ويمكن تنصح الناس وهي للاسف ماذيه خلق الله بلسانها ولا وتلاقينها تقعد سااااااعات تحش واول ما تخلص استغفر الله استغفر الله ,,,,,,طيب الغيبه من كبائر الذنوب ويمكن وحده تكشف وجهها او تسمع اغاني ارحم بمليون مره من الغيبه (مع انهم جميعا حرام ) بس انا ابغى بعض النساء تتصور انو ممكن بنت تشوفينها بالسوق كاشفه وجهها او تسمع اغاني وانتي يمكن حتى القفازات ما تفكينها بس لسانك ما يوقف حش تكون اعلى منك منزله عند الله لانها متعلقه بحقوق العباد اما باقي الذنوب فالتوبه منهم سهله

طبعا اكيد فيه بنات وحريم فيهم الخير والبركه ولكن اتكلم عن الغالب

اعرف اني طلعت من الموضوع بس لاني ارى ان هذي المواضيع لو فهمتيها راح تتخلصي من المشكله بكل سهوله

بحزن ان ودي مثلا اتزوج مثلها اما أزعل عشان اختي تزوجت قبلي لا وألف لا هاذي اختي من لحمي ودمي ماهمتني نظرات الناس لان الناس ماترحم تربيت اعيش ارضي ربي ثم اهلي فقط الناس حذفوهم وراكم لانهم مجرد ناس وزوار في حياتك لا اكثر وعساها تذوق السعاده حتى لو ماذقتها الله يخلي لنا خواتنا

انا كمان أختي وأخوي تزوجوا قبلي وان شاء الله يجئ نصيبي يارب