هل اخطأت في حق ام زوجي؟ الرجاء المشورة

عزيزاتي انا قبل اسبوع قالت لي ام زوجي ان بنت اختها عازمتني على زواجها بعد اسبوع وعطتني تاريخ والزواج بمنطقة بعيدة.


المهم اني قبل كم يوم صار عندي مواعيد ضرورية ورحت لاهلي. تفاجأت الخميس بزوجي يكلمني يقول امي عازمتك على الزواج انا كلمتها وقالت بنمشي المغرب كلم فلانة زوجتك خل تجهز يقول وقلت لها انك عند اهلك وقالت طيب انا عازمتها؟؟


قال تدقين على امي الحين وتعتذرين عن خطأك هذا.
المهم انا انلخمت وحسبت اني انا الغلطانة او مضيعة بالتاريخ، وافتح التقويم والقاه على التاريخ اللي معطيني بعد اسبوع المفروض الزواج؟


دقيت على زوجي بقول له ان ترى الخطأ مو مني انا احسبه الاسبوع الجاي على التاريخ اللي قالوا لي بس ما رد وبعدها لهيت باشغالي وجاء من بكره ولا دق ودقيت عليه ويكلمني من طرف خشمه والحين له من الجمعة ما دق علي ولا كلمني حتى


بنات انا غلطت بشيء؟ احس حتى لو انا غلطانه، المفروض سوالف الحريم بينهم. وعزايمهم وهذي جت وهذي ما وجبت هو وش دخله يزعل؟ ازواجكم مثلي يزعلون على اشياء تافهة؟


مره اخته كلمتني وانا حاطة ماسك على شعري قالت بنمرك بعد ١٠ دقايق نسهر ونتقهوى معك، قلت لا خليها يوم ثاني. وجاء زوجي وعصب علي ان ليه اختي تقول بجيك وتردينها 💔 وصدق سوا لي سالفة وزعلي علي يومين ما نتكلم عشان هالعزومةة