هل اخطئت

لي زميله وليست صديقه يعني اذا تقابلنا بمكان سوالف الساعه والحظه هي كبيره بلسن عمرها اربعين ماتزوجت كلمني اخوي عن صديقه ان له اخ معاق ويبي له زوجه قال شوفي خويتك قلت ابشر المهم قابلت هلزميله بمكان سالتها وانا اسولف واعلمها بصديق اخوي وانه يدور له علزوجه قالت انا قلت انا لا هو ومعاق واعاقته كدا وكدا وانتي بسم الله عليك قالت عادي انا قابله فيه قلت خير رحت البيت وعلمت اخوي قال خلاص برسله لهم قلت لا لان في داخل نفسي يمكن البنت متجمل ولا ترد الولد لاشافته واخوي يصير بموقف بايخ قدام خويه قلت وشرايك تجيب صوره له باعاقته وارسله له تتاكد من اعاقته وتتاكد من مشاعرها وتشاور قال احسنتي وجاب له فيديو وهي ناشبه بحلقي وين الولد ليه مايخطب المهم ارسلت لها الفيديو هي شافته ولا ماشافته بدت تتريق فيه واصلا هو هدا وجه زواج قمت انا مارديت عليها الا ببلوك قابلتها هي وامها قامت قالت امها خطاب من عندك مانبي كلفتي علا روحك وجبتي معاق لاتتعبين نفسك مره ثانيه قالته بتريقه وبنته تضحك بصوت عالي هنا قامت شياطيني ووقفت رحت له وحطيت وجهي عند وجهها قلت صدقتي غلطت يوم ارسلت المعاق من حقكم تتنقون من الطوابير الواقفه عند البيبان سكتت ووجهها انقلب الوان ويوم وصلت البيت قامت ارسلت لي البنت رساله نصيه وتدعي وتتحسب واني اشمت انا والله ماشمت ولاهو طبعي ولكن رديت بلحظه قهر وتعبني قلبي بعدين من كلمتي ودي اكلمها وودي اعتدر منها تشوفونها بمحلها