هل اخطيت بحق صديقتي

هاي بنات
بقولكم مشكله صارت لها يومين وبالله مين غلطان
انا عندي صديقه هي طيبه وكل شي لكن فيها صفه
تنشب وتفرض نفسها ع الناس
هي دايم تشوفني اطلع مع بنات عمي
فكانت تقولي ابي اتعرف عليهم اعزميني
معهم او نطلع كوفي
قلت لهم
وللأسف رفضو قالو لا
مانبي نستحي هم طبعهم
مايحبون يدخلون مع صديقات وكذا
حدهم اقارب وصديقاتهم اللي مره معهم
قلت لها هالكلام قبل اربع شهور
ولا اقتنعت تحسبني
اكذب عليها
قبل يومين ارسلت لي ماودك تجين تسهرين
عندي قلت ماقدر مواعده بنات عمي بنطلع كوفي
قالت بسرعه عطيني اسم الكوفي
بطب عليكم !!
لما قلت لبنان عمي انصدمو يحسبوني
انا بجيبها غصب وجلسو يقولون تعرفين مانبي
ماننسجم وقلنا لك من قبل
قلت والله شوفو الرسالة
ووريتهم
هم مايبون
قربباتي الناس اللي مو مثل جوهم
مستحيل ينسجمون معهم
جيت قلت لها اسمعي ترا بنات عمي
غير جوهم لان ادري صديقتي ماتحب أغاني
وراعية نقد لما تشوف احد كاشف وكذا
قلت لها اخاف ماتبين كذا
قالت اي عادي مالي دخل بأحد !! وهي دايم تدخل وتنقد
طنشت قلت اوكي انتظرك
رحنا كوفي انتظرناها ساعتين ماجت كانت عند اختها
ولما جت بالطريق بنات عمي جاهم السواق وكتبت لها
انك طولتي وراحو قالت طيب جيبيهم أسهرو عندي
قلت مستحيل ماراح يوافقون هم يستحون
ماراح يجدعون وجيههم يسهرون وهم مايعرفون من انتي حتى
قالت طيب اساليهم لما قلت لهم
جلسو يضحكون يقولون لي من جدك تهرجين
احنا كوفي مانبي بس حطتنا قدام الأمر الواقع تبين عاد
نسهر عندها ماعليش مو كذا عاد
رحت قلت لها وزعلت وقالت بسلامتهم ومدري ايش
ولها يومين ماترسل ولا تفتح سناباتي😂
ماري هل انا غلطت !!
ودايم الله يهديها هذي حركاتها
تفرض نفسها بالغصب على الناس
ماتستوعب ان فيه ناس مايبون فيه ناس مايحبون
يعني والله انحرجت من كل الجهتين منها اللي جادعه وجهها
ايش اقولها بنات عمي مايبونك!!
ومن بنات عمي اللي تضايقوا لما ركبنا السياره وقلت لهم
انه ليش تجي وليش تحطيننا قدام الأمر الواقع
وانا عارفه ماراح تتوب بتجي تقول نطلع من بنات عمك