هل ارقد في المستشفى وإلا لا؟؟

السلام عليكم:

ابغى استشيركم في موضوع مقلقني ومشغل بالي

اليوم الظهر كان عندي اشاعة ( الموجات الفوق صوتيه) وبعد الكشف قالت لي الطبيبة : لازم ترقيد هالحين ضروري ..لأنك في الاسبوع الثالث من الشهر التاسع لكن حجم الجنين صغير مرررره ..
المفروض انك في الاسبوع ال38 بينما حجم الجنين واضح انه في الاسبوع ال32 .. يعني ناقص ستة اسابيع .. وهذا فيه احتمال ان الدم والغذاء مايوصله من الحبل السري .. واذا كان هذا الكلام صحيح لازم نسوي لك ولادة عاجله بطلق صناعي ..
فرفضت وطلعت من عندها بعد ماحولتني للطبيب الاستشاري اللي قال نفس كلامها وحملني مسئولية المخاطرة بالجنين .. لكني قلت له ان حركة الجنين طبيعيه وحجم بطني كبير بس انتم مكبرين السالفه كثييير ..

المهم خلاني اوقع خروج على مسئوليتي وقال : فكري الى الليل وقرري وتعالي ارقدي من صالحك انتي ..
وش رأيكن هل اروح الليلة وارقد واسوي التحاليل والتخطيط للجنين والكشف اللي طلبوه وإلا اتوكل على الله واجلس وماهنا الا العافيه .. خاصة وانهم دايما يبالغون في كلامهم وتشخيصهم ..

انتظر ردكم عاجلا ..
مع الشكر مقدما