اختي الحبيبه زوجك فاهم وعارف ان من حقه يتزوج
حتى لو انك تخلفين..
لكن مادام متمسك فيك ويحبك وصابر ليش تقنعينه يتزوج غصب؟
هل هذا علشان مايلومك بعدين مثلاً؟
ولاعلشان تحسسين نفسك انك مانتي انانيه؟
ليش انانيه وانتي اصلاً مانتي رافضه فكرة الزواج لو قرر؟
اختي عيشي حياتك وتمتعي بحب زوجك واخلاصه..
وشيلي الفكره من راسك ترا كثر الضرب يلين الحديد..
واذا كان ربي كاتب انه بيتزوج ويخلف من غيرك فيبي يتزوج..
خليك متوازنه ولاعاد تفتحين ذا الموضوع معاه.
والرزق عند الله الله يرزقكم الذريه الصالحه.:26:

ما اروعك عزيزتي ضباب عسيير لكن مثل ما قالوا الاخوات ما دام هو راضي لاتخليه يفكر بهالشي بعدين انتي لسه صغيرة عمرك 26 اللي قدك لسه ما تزوجو انا والله حملت وعمري 26 وتزوجت عمري 23 وقعدت ثلاث سنوات بدون ما احمل عادي عزيزتي عمرك لسه فيه مجال انك تحملي لا تستعجلي
كما انه الرجال يضل يخلف وهو عمره 70 سنه يعني هو كمان معاه مجال
بس سؤال عزيزتي شو مشكلتك بالزبط في تأخرا لحمل ممكن اساعدك ؟؟؟؟؟؟؟؟

بناااات
ليش انتم فاقدين الثقه فالله.....
يمكن ربي يرزقكم
بعدين اذا ازواجكم راضيين
ليش تقولون لهم كذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خلاص عيشوا حياتكم وانسوا هالشئ
بعدين يمكن ازواجكم مرتاحين معاكم فليش انتم تفتحون معهم مواضيع مثل كذا؟؟؟؟؟؟؟


انتو لو قلتو انهم شاوروكم وانتم وافقتو استوعب بس ليش تزنون عليهم عشان يتزوجون؟؟؟؟؟؟

خلاص حاولوا تعوضونهم باشياء ثانيه..

صحيح ان الاطفال مهمين بس حتى ولو تقدرون تعيشون بسعاده من دون اطفال
:26: :26:

كلام رائع للاخت العامريه ..مشكوره قلتي اللي كنت بقوله ..

نصيحه شيلي فكرة العيال من راسك وعيشي حياتك وتوكلي على ربك هو مقسم الارزاق ولا تدرين وش الخيره من عدم الخلفه
لان فيه واحد كان يتمنى يكون عنده اطفال ويوم كبر في السن ربي رزقه بعد مشوار طويل من العلاج لكن اصبح هالولد نقمه على اهله وعاق بهم وتمنوا انهم ماخلفوه
فقولي الحمدلله على ماقسمه ربي لي وعيشي حياتك سعيده مع زوجك وابعدي عن الضره تراها مره وإدعي ربك يحفظ لك زوجك ويسخره لك