أخت نورة بنت عبد العزيز وابلة سارة ومشاعر هادئة اشكركم على النصيحة والجميع
لكن يامشاعر هادئة انا ضامنة زوجي وودي اتهنى ببيت لاني انا المستفيدة الأولى والأخيرة
والحمد لله ياأخوات أي انسانة تصير بحيرة عليها بالاستخارة فعلاً ارتحت بعدها أني اكنسل الموضوع فضحت المستخبي أم زوجي لما رحت لهم زيارة وقالت لي بتلاطيش كلام جمعته وفهمت كل شيء
وأنا من تقريباً شهرين أو أكثر شفت حلم أن أخوي زوجي بيتزوج وحتى شفت العروس وهم مخبين علي الا الحين حتى زوجي و
المهم خالتي طلعت اللي عندها ومو كله بس اللبيب من الإشارة يفهم
قالت شفتي فلان : ...... يبي يبني عندي فوق ويرمم الفوقاني ويسوي درج خارجي وأني قلت لا
فتأجل زواجهم اللي مخبينه عني وصارو يبون من زوجي يبني ويسكن اخوانه ببلاش فوقنا
هذا طازج تو مكتشفته واللي مايستحون يقولون انجز وخذ قرض عليها لاتجي العطلة الجاية الا انت ساكن وأنا اسمع
مو حبنا فينا بس يبون هالبنت لا تروح عليهم
والله شين وقوي عين .

انا موظفه زيك وزوجي دايما يقول لازم نجمع للبيت وللشهاده هوه عند مبلغ كبيرمجمعه ويبغاني اساعده وانا ماعندي اعتراض اساعده لأنه راح يسجل كل شي باسمي واسمه سواء شاركت اولا
لأننانبغاه تامين لمستقبل اولادن فنصيحتي ساعديه بس فهميه ان يتسجل النص باسمك وقولي علشان نظمن حق عيالنا ادا لاقدر الله صارلك شي اظمن ماحد يشارك عيالي فيه وفهميه ياحلوه اخوانه ممنوع يسكنون بشي انا دافعه ثمنه يبغون الله لايهينهم ياخدون عن طريق البنك

نصيحه من أخت لاختها لاتعطينه فلوس واذا كان المبلغ كبير اشتري شقه باسمك كم وحده ساعدت الرجال وفي النهايه تزوج عليها خذيها نصيحه من مجرب

وبعدين ليه مافي حدود بين الزوجين كل واحد حر بفلوسه يزعل ليه فلوسك وانتي حره

/شفتي ياقلبووووو رجلك مامنه خوووف بس انا يوم قلت لك كذا لاني اعرف كل الرجال تفكيرهم واحد

مايرضون انك تصيرين مبسوطه وعندك فلوووس وهم لا يبون كل شي لهم

عالعموم زين انك انتبهتي وعرفتي حقيقه اهله وش ناوووين

الوكاد نصيحتي لك لاتقولين بسافر وانبسط واضيع الفلوس

اشتري لك قطعه ارض يالغاليه وخليها وقت زنقتك متى مابغيتيها بيعها

او اشتري شقه تمليك لك المهم لاتضيع فلوس خلي لك شي تضمنينه

والله يوفقك انتي وزوجك وتسكنون بيت ملك تنبسطوون فيه

والا اسمعي تعالي قولي وش رايك يافلان اساعدك بالبيت وايجار الشقق اللي فوووق تنزل لي المهم اضمني حقك

معليش كلمة رجلك يوم قال خايفه اجيب لك جاره ماريحتني الواحد يخااااف