والله أنكم ياحوائيات بلسم على الجرح يبرى
الحمد لله أنني عضوة بهذا المنتدى الرائع ولي صديقات أمثالكن . والله أنني بحاجة لنصائحكم خاصة أنني بعزلة عن المجتمع بحكم عدم تداخل أسرتنا ( أهلي ) بالناس لطبيعة الوالدة الله يحفضها وتحفضها.وندرة الاقارب لنا .
حقيقي فتحتو عيوني على اشياء ماكنت متوقعتها تصير بمجتمعنا .أطلعت دمعة من عيني.
الردود
الأخت أبيك تفهمني : هو مرة متعلق بإخوانه ومايفكر أنهم ممكن يستغلونه يعني بالعربي مرة (صحيِح )وأنت كيف نجحتي وراح يسجل البيت بالشراكة ومشكورة لأهتمامك
أما عاد أختي الغالية أم تالا :
لاعدمتك أنت ونصايحك , والله ماسويت بأرأك وندمت وراح أسوي بشورك ومأسافر مع أني اليوم ناوية أعرض علية سفرية لمكة بأول الشهر وأحجز لنا بالنت بالتوحيد الليلة غالية يقول أخوي بـ1500 بالأيام العادية وشلون برمضان ودي اتهنى وخاصة اني لما صارحته فأجأني بقولته: أشارطك لو السفرية عليك ماسافرنا بس لأنها علي تبين تأخذين العيلة كلها يقصد عيالي والشغالة ودي أصحح فكرته وأسوي العمرة وأبين له أنه ماهمتني الفلوس ولا وش رأيك يهمني رأيك
ملاحظة : هذا قاله لي لما صارحته وش اللي مانعك من السفر بنا لك 14 شهر ماسفرتنا مع أني ماخذة اجازة رعاية مولود
وعلى فكرة اقتراحك بشقة تمليك ماينفع عندنا لأنه مافيه بس أراضي .
الأخت بتول 2010:
نفس اللي قلته له كنك تسمعينا لاتكونين تحت السريرهههههههههه
لكن بسألك بنت عمك عورة قلبي وخفت أصير مثلها ياليت تسألينها وشلون كانت البداية
والله الرجال مو واحد بنت جيراننا اتزوجت واحد من القصيم وسكنت هناك وكانت الأراضي وقتها رخيصة وبنت بيت هي وياه ورفضت يكتب لها شيء لكن هو قال الدنيا حياة وموت ومااضمن عمري ولهم عشرر سنين ساكنين الله يهنيهم وتطلع من عملية القلب بالسلامة.

سبحان الله وبحمده

مدام بتدفعي معاه خليه يكت لو نص البيت باسمك
بكدا تضمني حقك حتى لو سار شي لا سمح الله

شوفي


البيت أهم من السفر والبعزقة

السفر ااايام وترجعي لضيق البيت


والتفكير في مستقبل الابناء

استخيري في مساعدته

بس لازم تضمني حقك بنفسك وعند محامي او توكلي احد من اهلك

الله ينحفك ياختي ويجزاك الف خير