هل استحق الي صار لي

السلام عليكم
بتكلم عن حياتي مع زوجي من دخلت حياته ومن اول يوم اكتشفت انه راعي مغازل بس مكالمات وماعتقد يقابلهم انجرحت بس خفت اصارحه لان مابي طلاق وضيق صدر ابوي وامي

وقلت يمكن مع الزمن يتغير طبعا شغل زوجي XXXوعنده دورات كثيره وكثير اجلس عند اهلي لانه احيانن مايبيني اكون معه خصوصا دوره الخراجيه لانه في XX ومشكله الحجاب ماخلتني اصر
واروح المهم انا متزوجه لي 8 سنوات عندي ولدين وحامل طبعا كل سنه اكتشف انه مكلم بنات انتهاوش اعاتبه بس مانطول بالكثيًر زعلي يومين لانه يعتذر يحلف ينكر جميع الاساليب يمارسها بس علشان ارضا وتمشي الامور
وانا اسامح بس فيه جرح جوا قلبي ينزف اذا تغزل فيني اسمع نفس الكلام الي قاله لغيري بس حاولت امشي حياتي واتنيسا غير المقاطع الوصخه والخليعه الي يشوفهن لدرجه مره ارسل لي مقطع بتويتر بالغلط نزله على انه تغريده ونزلت بالعام باحسابه وهو شكله كان يبي يرسلها لاحد وغلط تخيلو شعوري وانا افتح المقطع حره تسوي حركات اغراء دقيت عليه وهزئته قلت تبي تشوف استر على نفسك مو كل المتابعين لك يدرون طبعا هو سكره بوجهي وبسرعه مسحها خاف احد غيري يشوفه بعدين دق علي وانه مو هو ومن الكلام رخيص زعلت زعل بسيط ومشيتها طبعا مدلع نفسه جيب للبر كشتات عايش حياته وبحكم جلوسي عند اهلي كان يحرجني وويوصي ماطلع معهم لاي مكان الا انا معطيته خبر ولدت عيالي الاثنين ابوي الي وداني المستشفى اتسوق سواق اهلي يوديني طبعا شغل زوجي يبعد عن اهلي واهله الف كيلو ودوارته كثيره نروح شهر لبيتنا انا وياه واسبوعين بمنطقة اهلي واهله طبعا يحطني عند اهلي لانه مايبي يرتبط فيني يبي ستراحته وربعه واهله مافيه مكان خاص لنا احيانن يشتاق لي ياخذ شقه لنا يومين ويرجعني لاهلي وانا مره اصر اخذ شقه علشان نجلس سوا ومره امشيها له
واجلس مع اهلي زبدة الموضوع صار بينه وبين امه موقف وكد كتبته هنا انا مقدمه خدامه لاني حامل وعيالي متعبين وجت الخدامه واستقبلته انا وابوي لان عنده دوره تبع شغل المهم ووديت الخدامه يوم صار له يومين للكشف عليه وقالو لي صوريها وصوري كرت العائله وحنى نرسل اوراقه للجهات المختصه وتكملون اجرائات الاقامه دقيت عليه قلت المستوصف يقول كذا قال خلاص عادي كملي معهم المهم صار للخدامه اسبوع عندي دقت امه علي وسئلت جت خدامتكم قلت ايه له يومين جايه باركت لي بعدين دق بالليل يقول امي زعلانه علي لان ماقلت له وتحسبن جاحد عنه تاسفت منه قلت اجل انا ورطتك من غير قصد قال لا بالعكس امي تمدحك وتقول انك احسن مني وماتغبين عنها شي خلك على طبعك حتى هي موصستني ماعلمك انه شرهت ان ماخبرته عن وصول الخدامه المهم ام زوجي مقدمه فلبينيه ولسى ماجت قال امي يمكن تبي الخدامه خلينا نعطيه حقتنا علشان تفرح رفضت قلت لا انا بحاجته وامك عنده ثلاث بنات وعطلو عن دارسه فيه من يعاونه وانا لو مو حامل ماتغلا عليه حسيت انه زعل وانا اصريت لانه يوم نقدم. على خدامه قال لامه بقدم لك مع زوجتي بس رفضت ماتبي اثيوبيه صار ينافخ ويختلق مشاكل ومنفس علي كل ماكلمته المهم قال باخذ اجازه خمس ايام وابجي XXXالي هي منطقت اهلي واهله قال وش رايك اوديكXXX بس يومين ونرجع قلت ماتسوى قال علشان بحط الخدامه عند امي انا عصبت وتنرفزت قلت كل هاتخطيط علشان خدامتي تعطيها امك انا مابي احد يتعود على خدامتي وامك ان حطيتها يومين تبي تزعل اذا رجعت واخذته هوزعل وسكر جواله يوم كامل ماكلم من بكرا كلمته انا واحاول امشي الامور معنه يا الله يتكلم معي بس حاولت استغبي وماكئني احس بمنافخ او تنفيسه المهم جا لرياض ورحت الجمعه لاهله انا وياه طلبن خواته سوق يبن يتمشن معي رفض وينافخ قالو لي قولي له طبعا رحت علشان خواته قلت له ودنا لسوق نفخ علي وقال لا انت تمشيتي مع اهلك قبل ماجي وش له الفرفره قلت لخواته رفض طبعا علاقتي مع اهله جدا حلوه يحبوني واحبهم المهم طلعنا بعد العشاء من بيت اهله لانه وقت استراحته ومستحيل يفرط فيها قالي تبين ناخذ شقه اذا انت تبين ولا انا ماتفرق عندي عادي قلت كيف يعني انت ماتبي قال لا مو كذا بس انت حامل ويمكن تعبانه ومالك خلقي قلت لا عادي ناخذ بس يوم السبت لان عندي غسيل قال يغني تبين انا تراني ماتفرق عندي مع نفسه خايسه جدا يوم وصلت بيت اهلي قلت انزل نتفاهم نزل قلت خلاص نبي ناخذ شقه وبنخلي الخدامه عند امك ونجي من العصر لبيت اهلك ونتمشى سوا معهم ونسهر بيت اهلك مره نشوي مره نروح حنى واخواتك رد علي بعنف قال لا امي مو بحاجت خدامتك خليه عندك او عند اهلك الله لا يحوج امي لك قلت ليش كل ذا قال انا مانسيت كلمك يوم اقول خلينا نسافر يومين وحطه عند امي اعتذرت وقلت كنت معصبه وطلعت الكلمه مو قصدي انا ماكره خالتي لو مو حامل وضعي صحي مايسمح اتنازل عنه وهذاني ااقولك خله عندك اسكت قلت هاه متى تبين اجهز اغراضي لشقه قال انا ماجبرك على شقه ماتبين مو لازم كئنه يحسسن انه مومهتم وده اهون عن شقه قلت لا نبي ناخذ جا يوم السبت دق ونفس المنوال نفسه خايسه ويقول تبين شقه ولا تعبانه ومالك خلق قلت خلاص مابي شقه النفس طابت قال ازين مب لازم وسكره بوجهي طبعا ولدي كان نيم عند اهله ارسل جب ولدي اخبار ولدي مايرد ارسل لي روحي للمستوصف حق الخدامه وجيبي ورقة الكشف وروحي صوريها وصوري بطاقة العائله بمر العشاء مجهزه كل شي طبعا سوالي عن ولدي ماجاوبه حاقر قلت بقصر شر قلت المستوصف ارسل الاوراق للجوازات والخدامه عندي له صورتين وجهزت جوازه وصورت لك بطاقة العائله ارسل قال روحي للمستوص مثل مابزعتي وتلقفتي وديتي الخدامه له قلت انا شوارتك وعلمتك بكل شي قالوه وانت ماعترضت وماصلحت شي الا بشورك وطلبت منه يجيب ولدي مارد علي دقيت مارد علي يرسل بمر اخذ الاوراق دقيت مارسلت له ويا الله رد قلت ليش ماترد قال كان ارسلتي مب لازم تدقين قلت وش انا مسويه لكل ذا قال انت ابخص اجل نفسك طابت قلت له انت الي ماتبي وتنافخ وقولك خذ شقه وتعيد وتزيد تبين ولا مبلازم قام ويقول خلي اهلك ينفعونك اجلسي عندهم يهوش ولا عمرك تدقين ولا اسمع صوتك سكرت صعبت علي نفسي على كثر ماسيرته وانا ماغلطت عليه وعلى كثر ماسمحته على جروح وخيانات حسيت انه اناني ومايهمه الل نفسه ماراعا حملي شريط حياتي مر بمخيلتي حسيت اهنت نفسي كثير معه وخليته يتمادا علي رحت لاخوي قلت بروح اجيب ولدي من عمانه ولدي عمره 6 سنوات دقيت على اخته قلت طلعي ولدي اخوي عند الباب لاني فعلن اشتقت لولدي لي عنه ثلاث ايام واذا سئلته عنه مارد علي طبعا باليل ارسل يالي ماتستحين تاخذين ولدي من غير ماتشوريني يالي فيك وفيك طبعا انا ماقريت رسالته لان اهلي طلعو للملاهي يوم جيت باليل ارسلت انه كان معزوم ولدك على حفلة نجاح وحبيت يحضره قلت مابي استطدم معه يرسل من سمح له يروح وانت انا وليك ماتطلعين الا با اذني قلت انت قايل مابي اسمع صوتك قال ايه ماتطلعين قلت له حدك الا كرامتي تراك اهنتني لابعد الحدود ولين هنا وكفايه قال بمر اخذ الولدين الضهر جهزيهم وماتصدقون كيف نفسيتي تعبانه ارتفع ضغطي وراسي يدور من اسلوبه وقسوته معي
قلت مالي الا امه بدق بشوف يمكن زعلانه تبي الخدامه صدق مو زعلانه انه ماعطاه خبر علما خالتي ام زوجي قلت انا يوم اقول انه واصله له يومين مو القصد ان بجاكر او بجحد قالت لا انا بالعكس مدحتك ووقلت زوجتك احسن منك عمره ماخبت علي شي اعتذرت منها وقلت اذا تبين خدامتي ارسلته لك وفكين من ولدك صارت تعتذر وتقول لا انت احوج مني حامل وانت مثل بناتي طيبه معنا وحبوبه ومانبي نخسرك وراح اكلمه طبعا سئلت عنه قالت بصناعيه يصلح جيبه حق البر طبعا طالع راتب ويدري ان مامعي ولا فكر يرسل ريال واحد سكرت من امه هو رجع ولدي صغير والكبير خلاه عند اهله ارسلت لو سمحت حول مصروفنا قال برسل راتب الخدامه ومصروف ملابسد انت وعيابك 300 ريال للمصاريف زايده طبعا رتتبه جدا كويس ويدري ان عند اهلي اصرف للن اهلي راعين طلعات وتمشي وعياله يطلبون يبون مثل عيال خواتي بس حاب يزيد عقاب علي ارسلت شكرا لاتحول انا مو محتاجه بس قلت اشوف اذا انت بايعني ومازلت تستخدم معي اسلوب العقاب كتبت صلح فيهن جيب البر وستانس ولقيت رساله على جوال انه في بحسابي نفس المبلغ الي قاله رجعت تحويله فلوسه كله رجعته
ارسلت اخته الضهر الخميس انهم راح ياخذون استراحه وفيها مسبح خفت على ولدي ارسلت لو سمحت جب ولدي الستراحه فيها مسبح وولدي مايعرف يسبح ويحب تفنن لا يغرق تراه بذمتي لاتستخدم اولدي نوع من انواع العقاب علي مارد طلع الاخ كاشت وقافل الجوال دقيت على ام زوجي وصيته على ولدي وقلت له لايغيب عن عينك وهو زوجي مارد علي ولا شي با لله عليكم هل انا مخطئه لهدرجه علشان يعاقبني هالعقاب حسيت ان مغفله ان سامحته عن اخطاء جرحتني ومازال جرحه ينزف حسيت انه نذل يشوف ان حامل باثمن ويتلذذ بتعذبي بالاكلام الجارح وحرماني من ولدي الكبير يدري ان موسوسه وماحب عيالي يغيبون عن اقوله انا حامل مو حمل مشاكل معك وماهمه طبعا انا خلاص قلت بتخذ موقف وماراح ارجع له او اراضيه لاني ماغلطت واذا رجع ابيه يعترف بخطئه علي ادري طولت عليكم بس من القهر الي فيني وابيكم بكل صراحه تسوى يزعل وراضيه
(العذر والسموحه اذا فيه اخطاء املا لانه من الجوال اكتب )