هل استخدم اللهاية لمولودي الجديد - اريد خبراتكم ونصائحكم

السلام عليكم اخواتي
انا ام جديدة لطفلي البكر وهو الان عمره 17 يوم وبدات حركات الدلع والبكاء بدون سبب فقط لانه صاحي ويبي ينام وانا احاول انظم له مواعيد رضعاته لكنه لو بعد الرضعه ظل نص ساعه صاحي بعدها يبكي يبي يرد ينام ويبي طبعا اي شي يمص فيه واحيانا ازهق واعطيه صدري والنتيجة يدوب كم رشفه وبعدها نوم وشوي ويصحى لانه ما شبع والخ .....
فما ادري احيانا افكر اعطيه اللهايه لانها تلهي الاطفال
خصوصا انه بدا بالبحث عن اي شيء يمصه - اصابعه او اللفه اللي الفه بيها او ملابسه - وهكذا
وبنفس الوقت كنت اسمع البعض يحذر منها ويقول انه توبه يخلي اولاده يتعلق بيها بسبب ما عانوه من مشاكل بسببها
فما ادري انتو شرايكم
اريد تجاربكم وقصصكم وخبراتكم واكيد نصيحتكم فهو للان لم يجرب اللهايه - لكن استخدم له مقياس الحراره اللي على شكل لهايه وماشاالله عجبته ولما اقيس الحراره وده ما يخرجها من فمه ويسكت ويستانس عليها

انتظر نصيحتكم وشكرا مقدما