اختي انا اضم رأيي لرأي الاخت توفي لك..

كنت ابي اكمل كلامي بس ما ادري شنو صار...

المهم اكمل لج الحين و على الله تستفيدين من تجربتي...

انا ساكنة في بيت ايجار.. و طبعا اول ما جيت البيت كان الموكيت تكرمين زبااالة.. لدرجة انه متآكل و طالع من الارض.. و الصبغ كرريه و مصغر البيت اكثر مما هو صغير..و حتى الحمام كانت الارضية تعباااانة

و كان الايجار غالي نوعا ما.. لانه بيت مو شقة.. فاتفقنا مع صاحب البيت من البداية.. اننا راح ناخذ البيت و نعدله كلله.. من تغيير صبغ و موكيت و كل شيء.. بشرط انه يطيح كل اللي راح ندفعه من ثمن الايجار.. و ينزل سعر الايجار لنا.. بصراحة احس هو ما صدق على الله.. و بالفعل نزل الايجار وااايد .. و احنا غيرنا الصبغ و الموكيت و الحمام رتبناه على مزاجنا.. صح ما غيرنا فيه كل شيء لانه غالي نوعا ما.. بس على الاقل غيرنا الارضية.. و صبغناه كله و صار يجنن.. الحمدلله...و على فكرة كل شيء حطيناه له في البيت جبناه من الرخيص..يعني ما دلعناه...

و بعدين مثل ما قالت اخت توفي لك.. انتي راح تسكنين فيه على الاقل سنة.. مو خسارة تغيرين فيه.. و جربوا كلموا صاحب البيت.. يمكن يرضى ينزل سعر الايجار لكم و لو على الاقل لشهر..و هو الشهر اللي راح ترتبون الحمام فيه..

و موفقة اختي...

اختي الغالية لقد وجدت في منتدى حواء:icon810:
وكان الموضوع يتحدث عن المطبخ وديكوراته ومن ضمن ديكورات المطبخ وحدة من الاخوات شرحت طريقة تغيير بلاط المطبخ وشرحت الطريقة ووضعت صور وهو دهن البلاط باللون الابيض ومن ثم وضع اللون الذي تريديه وايضا في النهاية الاخت حاطه قلم لونه ابيض ترسمي الخطوط التي تفصل بين البلاط وكأنك ركبتي بلاط جديد:mouse: :2thmup: والله انا توني عرفت كيف اشارك :42: :42: معكم ولو كنت اعرف انزل الرابط كان نزلته لاني مبتدئه ولكن ابحثي في ديكور المطبخ ويارب تحصلي المطلوب وطمنيني واسفه طولت عليك:(

بصراحه قرف الشقق والبيوت الي كذا

انا نفسك مقهوره من الشقه ماعجبني شي فيها ابد
مو على ذوقي وتحسين الجبس طالع بين المربعات اي كلاااااام
لكن قلت حسافه اتعب عليه واحط فيه وارممه وانا بطلع منه لكن حاولت اعوض بالاثاث والمسات مثل الشموع والاضاءه مو صفراء كانت قويه وبيضاء للحين ماغيرته لكن فكرت الحين اغيرها اذا اقدر من كلام البنات اقتنعت

اسفة بنات من زمان مادخلت القسم هذا

واشكركم على ردودكم

تدرون لحد الحين ماصبغنا ولا سوينا سراميك

بس منو تعرف الارضيات البلاستيك

هل تكون في مستوى السراميك؟؟؟؟؟؟؟؟


واللي تعرف موضوع الاخت اللي اصبغت مطبخها تحط الرابط ولا عليها امر