هل استطيع تغيير مشاعري؟ =(

السلام عليكم ورحمة الله وبركاته


اخواتي انا من عرفت النت وانا نصف وقتي بعالم حواء :32:

بس تدرون لي سنتين ناسيه ان عندي يوزر هنا !!!<<<من كثر ماتغيرين ايميلات خخخخخخ

عندي مشكلة يمكن تكون بنظر كثير منكم مالها داعي بس والله ضايق خلقي

انا عندي صديقه احبها مره مره فوق ماتتصورون اعتبرها اختي لدرجه انو لو يصير بينا اي شي اعديه لها في احد يزعل من اخته !!

الحين توني اكتشفت انها مو اختي والبطن الي جابها مو بطن امي :(

اعرفها من 5 سنين تقريبا وبينا زي اي صديقات هواش وطقاق بس دايما نرجع لبعض وهي الله يصلحها فيها طبع شين انو لاشافت احد او تعرفت على احد جديد تنساني ولا كنها تعرفني وتبدا تتهاوش ع الصغيره والكبيره لدرجه انها حولت من قسمي لقسم ثاني !!

صايره بينا مواقف كثيره هالايام ويشهد علي ربي انها لاتضايقت انا الي اتعب ولازعلت انا الي اصيح ولا اهتمت ما اكل ولا اشرب ولا ادرس حتى :(

احبها

المهم والي هي السالفه انو هاليومين مو مره انا وياها بس مافي شي محدد عادي فجاه وانا اكلمها بالمسن تهاوش مدري وش تخربط وتقول اكرهك وسوتلي بلوك & ديليت وحتى من البيبي مسحتني وحتى امسحه رقمي ادق وقفلت الجوال ماتبي حتى تكلمني وتراها ماتمزح لان الوضع الي بينا تقر يبا رسمي هاليومين وضايق صدري لانها دايما حاسه انها المظلومة !!
يابنات انا مادري يمكني اضايقها بس ربي اعلم بنيتي وقسم ماعمري نويت ائذيها او اجرحها من كثر ماتعبت صرت ادعي ربي هاليومين ان كان في علاقتنا خير يدومها وان كان فيها شر يصرفها عني ويصرفني عنها :( معقوله هذا استجابه دعائي؟


هي عندها ظروف هاليومين وهي ماقالتلي بس وحده صديقتي قالتلي انو اعذريها وكذا بس صعبه علي والله مهما كان في اسلوب مو كذا وبعدين انا صديقتها مو بنت الجيران ع الاقل تقول ما اقدر اكلمك نفسيتي تعبانه اي شي

بنات الي مضايقني احساسي تجاهها ودي تصير انسانه عاديه حالها حال اي شخص مابي احبها هالكثر وهي اصلا ماتستاهل ولا تقدر

ودي افتك من هالشعور ابي نصايحكم ومين قد مرت بعلاقه زي كذا ترا مره مره انا وياها كنا فوق ماتتصورون لدرجه ادري عن كل شي ببيتهم ولا اذا انخطبت ولا لا تضايقت او راحت او جت وهي فجاه تبي تطلعني من حياتها

انا ذليت نفسي بما فيه الكفايه عشانها لاني زي ماقلتلكم معتبرتها اختب بس كل شي له حدود

وتراني بال عشرينات بس اول مره اصادف موقف زي كذا لان طبعي مالي علاقه قويه بالبنات الي اتعرف عليهم الا هي
تكفون حاولو بس تتفهمون وضعي مابي كيف اتصرف معاها لا بس ابي تعلموني شلون يخف الحب الي بقلبي لها ولاشفتها بالجامعه وش المفروض يصير تصرفي تجاهها:(

الله يجزاكم خير ادعولي ان ربي يصرف قلبي عن حبها