الله يكتب لها ما فيه الخير لها بالدنيا والاخره

يااختي

وش ينقص المصري عنها

تتوكل على ربك وتتزوجه

بكره اذا راحو امها وابوها لاسمح الله مين اللي بيداريها

يتعيش مقهوره بين اخوانها وحريمهم

وكلن يتأفف منها ويتثيقل من وجودها

ولله ماهي صغيره ابد

ويعتبر هالرجل فرصة بالنسبه لها

لازم الانسان يكون واقعي ويخلي المثاليات على جنب

اكثر من كذا انتظار

وش تنتظر ومن تنتظر

واللي تنتظره ليه ماجا طول هالعمر

قربت سن اليأس وماتزوجت

خليها ع الاقل تلحق عمرها تجيب لها طفل او طفلين يشيلون كبرتها

لاتزعلين من كلامي ولاتعتبرينه قسوه

لكن ولله هذا الواقع اللي بنصح فيه اي شخص لو كان بنفس موقفها

وبالنسبه لابناء السعوديات اوضاعهم تعدلت كثييير

ويقدرون يدرسون في مدارسنا وجامعاتنا بعد ويدخلون المستشفيات الحكوميه

ومستثنين من خطط السعوده في اغلب مجالات العمل (سواء الابناء او الزوج )

والولد يتجنس اول مايوصل سن 18 سنه

والبنت بعا تلحق زوجها في جنسيته

والان السعوديات المتزوجات من اجانب جالسيت يطالبو بتعديل الاوضاع اكثر

وان شاء الله الجاي احسن

والخير من عند الله ماينقطع

بس البني آدم يسعى والله معاه

لكن تحط يدها على خدها وتقول لا ولله مصري كيف اتزوجه !!مو مبدأ ابد

الله يوفقها ويكتب لها الخير والصالح

انا أعرف 3 بنات سعوديات تزوجو ا من مصر وللأسف تتطلقوا بعد أقل من 5 سنوات بسبب مشاكل عديده أهما الطمع في راتبها وأستغلالها بكل النواحي
فأنا لا أنصح بالزوج من غير أبناء البلد والله أعلم

اسباب كثيره
1- عشان العيال ومشاكل السعوده
2- وان كان فيه حالات سعيده فاغلب الزواجات يكون سببها الطمع
3- مش سبب انها كبرت انها تتزوج وبس
4- العادات والتقاليد والطبائع مختلللللللللللللللللللفه
5- وان كانت زميلتها في العمل امدحته مش معناه ان كلامها صحيح ما تحكم على كلام وحده معها بالعمل هالمساله يبيلها تدقيق

الله يعطيكم العافيه على الردود و الدعوات

ويارب كل من ردت وكل من مرت ودعت ربي ييسر امورها و يحقق امالها

اختي "al7ryda" جزاك الله الجنة
عندك حق الناس صعب ارضائهم
والي يناسبها يمكن ما يناسب غيرها
الله يهديها للصالح


شكرا اختي "سمارا تمارا"
نصيحتك ثمينه وان شاء الله تفيدها
الله يوفقك وييسر امورك

حبيبتي "شوكولاته123"
نسمع كثير من ذا الكلام بس ما نعرف اذا كان حقيقة او خيال

عزيزتي "قضايا وحلول" احس احيانا ان الزواج من اي شخص مو الحل للهرب من العنوسه
يمكن افضلها تبى عانس و لا تجيب عوار الراس لها و لاهلها
مشكوره على الرد
وعسى ربي يفرج همها وهم كل البنات

اختي "طامح"
شكرا على المرور والدعوات الطيبة
وبارك الله فيك

عزيزتي "حلوة وايد"
اعتقد صار وضع اطفال السعوديات من اب اجنبي افضل عن الاول
الله يوفقك وييسر امورك

خواتي "الكادي 2007" و*كحيلة العين* وبنت ^بلادي و جالكسي 2007
اعتز بمشاركتكم والله يعطيكم العافيه

يارا(1)
اعتقد صديقتي تحتاج لانسانه مثلك تشجعها
لاني وصديقاتها كلنا من النوع الخواف
و نبحث عن السلامة في كل شي
وهي بعد جبانه حتى انها متحرجة تكلم اهلها في الموضوع
الله يجزاك الجنة و ييسر امورك

" قهوة عربي "
اعتقد انك حسمتي الامر
انا قلت اكيد اخر مشاركة الليلة اهي االرشيدة
وسبحان الله قلتي ثلاث تجارب فاشلة
صاحبتي تاثرت كثير لما قلت لها
الله يفرج كربتها ويرزقها من حيث ما تحتسب وكل بنات المنتدى