هل اضيع ؟ اذ رفضته؟

سلام عليكم ورحمة الله وبركاته ... :39:

بنات استحلفكم بالله لاتدخلون موضوعي الاتعلقون او تنصحون او تناقشونى
تري مافي وقت؟
يابنات ابي اطرح موضوعي باختصار للمره الثانيه
الله عالم بحالى وبحال امي المحتاره فينى:icon33:
يابنات انا مالي الا الله ثم انتم دلونى علي انسان ذو رئ استشيره في امري الكل احتار فينى اهلى اخوانى خواتى امى كلهم احتارو بحالتى لدرجه
انهم شالو ايدهم منى يقلون مالنا شغل فيك سوى الي تسوينه ارفضى اقبلى ضيعى احزنى الي تبينه سويه لاتفتحين هالموظوع معنا
الانسان لمن يحتار ويلقى هالكلام من اقرب الناس تتوقعون شنو يصير فيه؟؟ :icon33: يصير في حالت احباط وكئابه وحزن شديد
تدرون يابنات حاليا ماكلم احد بالبيت مالي الا الاستغفار وسجادتى اناجي ربي في اوقات استجابه الدعاء ووقت السحر وادعيه انه يسخرلى اموري
بالمختصر الشديد :
:(عمري 26 مطلقه بدون عيال قبيليه غيرمتوظفه بعد طلاقي بسنه خطبنى من اقربائي بس الي متزوج والي مطلق والي شايب يبي يجدد شبابه
وفجأه خطبنى ولد عمي عزوبي مومتزوج ثلاثيني اخلاقه عاليه وطيب وملتزم في صلاته وشهادته دبلوم
ونا من قبل اتزوج واطلق رفضته بسبب انه عاطل بدون وظيفه ويوم تطلقت راح توضف في قطاع خاص راتب قليل وفي منطقه بعيده
المهم جاء خطبنى ونا الرفض السابق لحد الان يخيم علي احس انه مرفوض بنسبه لي
بس لانه احسن واحد خطبنى من بعد طلاقي ولانه بهالاخلاق الزينه ولانه متوظف وعيب العطاله راح عنه
واصرار امي واهلى عليه قبلت فيه بس بتردد
واستخرت ومارتحت بس قلت لا ولد عمى توضف ومافيه اي عيب خلاص بقبل فيه
وتمت الملكه
ومن ملكت ونا قلبى مومرتاح اصلى استخاره بس مو مرتاحه لهلملكه
المهم من بعد الملكه باسبوع فصل من وضيفته وتعذر في ان الوضيفه بعيده وراتبها مو قوي؟؟
والمنطقه الي حنا فيها مافيها وظائف
يعنى هاذا غش؟
السبب الاول لرفضى له :غشنى قبل يملك علي توظف ومن بعد الملكه باسبوع فصل من وظيفته؟
انا هنى مو رفضته الا كرهته ليلى صار كله كوابيس انام واقعد علي احلامى الي انهدمت اتزوج واحد عاطل ليش؟ لانى مطلقه؟ لازم ارضى بلقليل؟
والسبب الثانى لرفضي له : اهله ناس مادري شلون صايرين
عندهم مرت الولد منبوذه ومكروه اذ طلعت في بيت مستقل ابروحها حتى لو طالبت في حمام عزكم الله مستقل لها
يعنى حريم عيالهم مع العزابيه الي بالبيت بحمام واحد
البيت فيه حمامين بس للعايله كلها
وحاشرين حريم عيالهم في بيت واحد ويويل الي تطلب بيت
عندهم مرت الولد نفس الخادمه بظبط تقعد الصبح تخبز ويويل اذا اشترت خبز من برى لازم تخبز وتتعب بايدها وتطبخ ويويلها اذا الطباخ زاد ملحه
وغسيل وخم يوم كامل مرت الولد واقفه ماتقعد واخرتها لا شكر ولا عفيه
والشايب اغلب حريم عياله ظاربهن يمد ايده علي حريم عياله ويطقهم عادي
والعجوز كل حريم عيالها متذابحه معهم وذا كرهت وحده صلطت عليها عيالها وشايبها وانواع السب والضرب وعدم الحشمه
ونظامهم علي ناس وناس
والعيال الله يثبتهم علي بر والديهم عندهم امهم وابوهم الصح بكل الحلات والعالم ظلام وذا ماعجب المره هالكلام طلااق علي طول
زين انا مومشكله اتحمل اهله بس على شئ زين مو علي عاطل؟
يعنى عاطل وعمره بثلاثين ولحد الان ماكون نفسه وفوق هاذا اهله نار؟
شسوي؟
وين اروح؟
وين اطس؟
ااااه تعبت ؟
اذا خيره الموت يارب موتنى ؟:icon33:
الكل محتار فينى البعض يقولى يمكن الله يفتحها عليكم ويتوضف ونا اقولهم متى يتوظف الحين عمره في منتصف الثلاثينات وماتوظف يعنى بيتوضف اذا وصل الاريعين؟
اذا قبلت فيه يعنى بقعد عند اهله وهم يصرفون على؟
واهله نار وبخلاء وعايشين علي الضمان الاجتماعي
حريم عيالهم الي مايصرفون عليهن ذالينهن اجل انا شبيسون فينى
وقربو موعد العرس وماهمهم كلمتى لما قلت انا ماعرس الا يتوضف قالو حنا نحدد العرس
وانتى مالك شغل اذا الله كاتبله يتوضف بيتوضف وذا مايتوضف هاذا نصيبك
مع العلم ان بعداتنا عيب نكلمه بتلفون حتى لو مالك علي مايصير اكلمه الا بعد الدخله
ورسلتله كلام مع اقاربه قتله لازم يتوضف ويقول ان شالله الشهر الجاي وصكينا سبع اشهر
وللحين لاحس ولا خبر علي الوظيفه بس كلام
يعنى لانى مطلقه:44: لازم ارضى وماقول لا ولازم اهلى يحتارون فينى وذا رفضت اعنس او يجينى الي اسوء منه مع العلم انى يتيمه
واخوانى الكل لاهى بنفسه وماعندى حتى الي يودينى للمستشفى اذا مرضت
وبعد ماستخرت شهور ونا استخير واكرر الاستخاره علي اصولها
وادعي ربى واحرص علي اوقات الاستجابه
انا بفصخ ملكتى قبل يسون العرس لانى خايفه من طلاق ثانى اخاف اتزوجه وتطلق بسبت ظروفه
ابقى مطلقه مره وحده احسن من مطلقه من رجلين
وفصخ الملكه طلاق بدون دخول يعنى ارحم
المهم سؤالي لكن ياخواتى هل اضيع اذا فصخت ملكتى من ولد عمى العزابى؟
هل يجينى احسن منه او يجي الاسوء؟
هل يتوقف نصيبى ونا بهالعمر؟
هل قطاري يوقف ومراح اتزوج ولا يجينى عيال؟
واي احسن اتزوج هالزيجه ولا اقعد عانس طول العمر عايشه علي الضمان الاجتماعي؟
ويمكن اتزوجه وبسبب عطالته ونار اهله اصير مطلقه من رجلين وهاذا الخوف؟
وهل تعرفون شخص من ذوي الحكمه استشيره؟
اللهم اجرنى في مصيبتى وخلفلى خيرا منها :44:
ياغياااث من لاغياث له اغثنى :44:

سبحانك اللهم وبحمدك..اشهد ان لااله الا انت..استغفرك واتوب اليك