د/ سارة

مرحبا بج الغالية

بس الرقم هذا موبايل والا لا ؟؟

وكم فتح الخط؟


وتسلمين حبيبتي

الله يفرج همج ويكفيج كل شر ياربي

الطلاق ........مره وحده

مثل حالتج بس ليش يعني .....

أسألج بالاول اذا ممكن؟؟؟

أولا: انتي كم مضى على زواجكم؟

ثانيا :اشكبر العيال

ثالثا :شو بتستفيدين من الطلاق
مثلا اذا كان مثلا انتي صغيره وتبين تتزوجين مثلا وهذا من حقج ممكن في مجال اذا في زواج ثاني احسن منه

اما اذا كان الزواج صار له فتره طويله والعيال اكبار
بقولج .......... انتي وين من زمان ليش من طلبتي الطلاق طول هالفتره مب اللي مضت

الاحسن لو العيال كبار ومالج امل بزواج ثاني
الافضل تكونين مرتبطه بالهزواج من عده اسباب
الاول:انتي اسمج متزوجه لان المجتمع هذا ماراح يرحم المطلقه خلي نكون واقعين...
ثانيا : اذا لج بنات باجر بيعرسون وبينسألون عن ابوهم
ثالثا:العيال مع العشره يحنونون قلب الرجل يعني كلما طلبوا العيال منج شي طرشيهم لأبوهم يحنون عليه بعد
ما ادري شو اقولج الله يعينج بس
كل هالمده انتي اتحملتي اذا كان مثل ماقلتلج الزواج صار له مده طويله والعيال كبار تمي بس لانه راح يكون اسمج متزوجه اشويه راح يكون ثقل الجتمع يخف عليج لانه صعبه مواجهه مجتمع ظالم مثل هذا . . .

rosse

الغالية في البداية صبرت لاني كنت متأملة ان حاله ينصلح مع الايام ولكن كل سنة حالته تسوء

معاي ومع العيال تتخيلين انهم ما يشوفونه ابد رغم انه دوامه من الصبح للظهر وهم اصلا

مب حاسين في وجوده اقسم بالله انا مستوية امهم وابوهم 000 طبعا طليت منه الطلاق اكثر

من مرة وكان يرفض ويبكي ويقول انه ما يستغني عني مدري صدق ولا تمثيل

والمشكلة احينة ان هالتجاهل منه يولد عندي كراهيه وجفاء والله صرت ما اطيق اسمع اسمه

ولي فترة كارهة انام بنفس الغرفة معاه وهذا الشيء اللي يخليني افكر بالطلاق احينة

لاني اخاف اغضب ربي لو امتنعت عنه او اموت وهو مب راضي عني ويكون سبب في دخولي

النار وفي سبب ثاني اني اكتشفت بعد كل السنين اللي عشتها معاه انه مستغلني ماديا وما

يصرف ع البيت ولو انا ما صرفت ع البيت بيموتون عيالي من الجوع

ادري حبيبتي ان مجتمعنا ما يرحم المطلقة 000 بس هل بينفعني المجتمع لو خسرت ما تبقى

لي من صحة وعمر ؟؟؟؟؟؟؟؟؟؟؟؟؟


وتسلمين الغالية على مشاركتج لي

والله يحفظج ياربي