هل اطلب الطلاق

صباح الخير اخواتي العزيزات اسال الله لي ولكم التوفيق وبعد اود استشارتكم ونصحي فوالله اني في هم وغم لايعلم به الا الله ومحتاره هل اطلب الطلاق وعندي اطفال وكيف اتحمل الاهانه كل يوم والسب والتضييق علي والهجر كنا اخوان الحمدلله انا انسانه عاقله وفاهمه وقادره بحول الله اني احافظ على اطفالي انا ابتليت بزوج المراءه عنده مثل الخادمه يسب ويلعن ويضرب اطفاله ويلعنهم ولايحبهم ابدا يتضايق اذا تمشينا مع بعض يتضايق اذا ودانا المستشفى يتضايق اذا طلبته السوق مع انه من فلوسي جدا بخيل علينا بس يوفر الاكل والشرب غير كذا لا ماعنده والله حاولت معاه اتوددله اجيب له هدايا اتقرب منه ولاهمه وهو يبتعد ولايقدر تعبي في بيته ولايقدر تعبي في تربيه اطفاله كل همه اهله وزملاءه مدخن مزاجي ويخوف يعصب فجاءه بدون سبب كل همه كيف يسعد نفسه واهله هو يشوف ان الزواج مو ضروره حتى يقول ليتني ماتزوجت ولا ارتبطت بكل شي مقصر مافي تعامل طيب ولا كني موجوده بين كل فتره يطردني على كل صغيره وكبيره انا يابنات موظفه ولله الحمد وقادره اني اتركه وبكل سهوله لاني حتى انا وفي بيته اصرف ع نفسي واتعاالج من فلوسي والحين يقول الوظيفه مالها داعي مع اني يشهد الله ماقصرت عليه بشي هو اللي مايبغى يقعد بالبيت يتضايق واهله حسبي الله عليهم والله يابنات عودوه من اول يوم انه مايقعد في بيته حتى لو يوم والله ماامنعه من اهله لان هذا الشي حرام بس الاحظ عليهم يدقون عليه كل شوي وهو معنا وطلباتهم عاديه جدا تتاجل مثل جيب بطاطس جيب شطه تعال مشينا تعال ودينا تعال ودينا المطعم كل يووووم كل يوووم يابنات عارفين كل يوووم ((((اناااا ما امانع ))))لكن من ٦سنوات ماعمره قعد معي يوم واحد يتضايقون خايفين اخذه منهم😩والله يابنات مافهمت الطبخه الا اللحين والله يابنات حتى وحنا نتمشى طول وقته متضايق ويكلمونه ليش ماتمشينا ليه ماخذتنا مع انه مو مقصر معهم مدلعهم والله حرام يعكرون مزاجه وهو معنا الله لايوفقهم حتى وهو نايم يدقون عليه اخوانه الصغار تعال ودنا الحديقه تعال اشتري لنا حلاوه ويطلع يوديهم ويقعد ٤او ٥ساعات برا البيت ويجي وهو تعبان وينام مايبي يشوفنا ولا له نفس ٦سنوات ع هذا الحال مهمل زوجته ومهمل اطفاله حاولت وحاولت اني اغيره والله مقدرت اسالكن بالله اسالكن بالله ابغى الرائي الحكيم انا تعبانه منه جدا جدا وزعلانه منه والله اني وصلت لمرحله اني ادعي عليه وادعي ع اهله كل ليله لانه ظالم ويشهد الله اني اشوف دعاويه فيهم بس الى متى كذا اهلي دخلتهم اكثر من مره ومانفع معاه ومابغى اتعبهم معي ابوي وامي كبار بالسن مرره ولايتحملون الاخبار الشينه وازورهم واضحك وانبسط اسوي نفسي مبسوطه وانا حالي مايعلم به الا الله طيب ليه يزوجونه دام وضعهم كذا حسبي الله ونعم الوكيل