هل اطلب فلوسي منه او لا ؟؟؟؟؟؟؟؟؟؟

السلام عليكم

مدري مشكلتي او هي مو مشكله بس مدري ليه احس بقهر
انا متزوجه من 3 سنوات اول سنه زواج درست بمدارس اهليه وكانت تمر بزوجي ظروف صعبه فاظطر احيانا اعطيه راتبي كله واحيانا نصه خلصت اول سنه وبطلت من المدرسه وباقي لي حقوق عندهم تقريبا 5000 الالف دقوا علي عشان اجي اخذها فرحت ورحت اخذها بذاك الوقت انسحبت سيارة زوجي من عند بابنا لانه عنده اقساط مادفعها فقلت له خذ هالفلوس وطلعها وسدد المتأخر وزاد عليها انه تسلف من اخوه تقريبا 5000 عشان يكمل الباقي وطلع سيارته
زوجي صادق كانت ظروفه صعبه بس والله قلبي محترق على فلوسي مااستفدت منها ولا شئ
المهم السنه اللي بعدها قلت بقدم على مدرسه ثانيه قدمت وقبلوني ومازالت ظروف زوجي صعبه ومازلت اعطيه من راتبي لان راتبه كله يروح تسديد وانا اقول ماعليه بكره بتنفرج تقريبا قبل انتهاء العام الدراسي ب 3 شهور تعدلت ظروفه وماعاد صار يتسلف مني
وكان مجموع ماخذه مني 12700 طوال السنتين والسنة الثالثة ماتحمست ادرس قلت اجلس بالبيت وش استفدت لا راتب ولا شئ واصلا حملت زوجي مواعدني يسددها بس لحد الحين ماجاب طاريها اشوفه مدلع نفسه جوالين واحد ايفون وكماليات وغيره لا وزياده مدهر لامه يعطيها مصروف شهري وكلما طلبت شئ جابه لها اخر شئ اليوم مكلمته تبي تلفزيون بلازما قال ابشري هذا غير اغراض بيتها كله عليه وعلى اخوانه مع ان ابوه موجود وقادر يصرف عليها بس هو يقول امكم عليكم وانا بصرف على زوجتي حتى اجار بيت امهم مسؤلين عنه هم مع ان ابوهم موجود ومسكن الثانيه ببيت ملك وسدد الديون اللي له على اخوانه بس انا فلوسي مالها طاري ليه طيب وحتى اهلي ماقلت لهم
صح هو مايقصر معي لو احتاج شئ بيجيبه بس لو اقول له عطني مصروف يقول ليه ؟ ولحد الحين ماسكه اعصابي
خلاص فرقعت فلوسي عنده وهو يصرف منها على اهله وكماليات اهله انا احس ان كل ريال يدفعه لهم من فلوسي اللي عنده مو المفروض يردهم لي
ابي منكم طريقه تخليه يردهم وبدون مااظغط عليه او اصعب عليه بس ابي فلوسي والله شوي واكرههه