هل اعتبر أنا مطلقة تكفون ردوا علي يابنات وش رأيكم ؟؟؟؟؟؟؟

السلام عليكم ورحمة الله وبركاته



أنا حابه أعرض عليكم مشكلتي وأبغى رايكم ..

أنا بنت عمري 25سنة خطبني واحد سألنا عنه كثيييييير وقالوا عنه إنه رجال صالح متدين وخلوق

لكن يبي يسكن في منطقة غير منطقتنا وأنا كل أهلي مجتمعين في منطقة وحدة لكني استخرت ووافقت وقلت

خلاص أنا كبرت أبجلس أتشرط بعد كذا اكتشفنا إنه يعاني من مشكلة صحية ما هي سهلة فرفضته لكن أهلي أمي

وأبوي وأخواني بدو يقنعوني خسارة ولله جلسنا معه وارتحنا معه مرررة ومعليك من مشكلته خسارة ترفضينه .. ومن

هالكلام بعدها وافقت ..وبعدها تمت الملكة وبديت أجهز وخواتي ما أعجبهم وضعي أبد ومستغربين كيف وافقت

لكنهم ساكتين بس أنا فهمت من بعض تعليقاتهم .. وأذكر مررة قالت وحده من خواتي ياليته يتراجع .. وأسكت ما قلت

شيئ .. بعد كذا اتصل فيني وبدا يكلمني

والله يابنات إنه يوم كلمني أول مرة بعد ما سكرت السماعة خنقتني العبرة والظاهر إني صحت مارتحت له أبدااااا

حسيت إنه ما يناسبني وضاق صدري مرررة بس جلست أسلي نفسي يكفي إنه متدين والكل يمدحه ما يصير أحكم

عليه من أول مكالمه .. اخواني جلسوا معه وأعجبهم وأبوي بعد ... بعد كذا بديت أفكر بمرضه وأقول لايكون وراثي

وينتقل لعيالي بعدين احتمال كبير يصير هذا الشيئ لاما أبغى عيالي يصيرون كذا .. حتى أخوي سمعته مرة يقول

والله اللي فيه مو سهل وبديت أهرب من تحديد موعد الزواج وأجيب أعذار ..وحست أختي اللي أكبر مني إني مانب

طبيعيه وصارحتني وقالت كل اللي بخاطرها ..قالت ليش توافقين عليه من الاساس كم عمرك عشان ترمين نفسك ..

عمرك 40 سنه وش اللي حادك وإن كان همك أبوي واخواني ما عليك منهم أنا أبكلمهم وش تبغين فيه وأنا قلت لها

إني كلمته وما ارتحت له أبداااااا ..

بعد كذا صارحت أمي وقلت لها خلاص ما أبغاه يوم درى أخوي الكبير جاء وهزأني وقالي خلاص أنت تملكتي الحين مو

على كيفك أنت بتكونين مطلقة وتعرفين المطلقه محد يبغاها شوفي فلانة وفلانة من قرايبنا تطلقوا وما تزوجوا والله إن

تعنسين عندنا ما أحد يجيك وأنت مانتب موظفة من اللي بيصرف عليك أمك وأبوك ماراح يدومون لك وبعد ماتموت أمك

والله ما راح أحد يدري عنك من أخوانك تموتين على فراشك ما حد درا عنك ولا أحد صرف عليك و..... والله يابنات شد

علي بالكلام وكل ما تذكرت كلامه تخنقني العبرة وأتحطممممم وأقول خلاص أنا عانس .. المهم صارت مشاكل بسبب

تهربي من تحديد موعد الزواج

والغي وتطلقت .....

سؤالي يابنات هل أعتبر أنا مطلقة ؟؟؟ بس شافني النظرة الشرعية وبعدها ما شافني ولا جلست معه ولا دخل علي

معقولة الناس بتساويني باللي تم زواجها ودخل عليها ؟؟؟؟؟

ولوكان لك أخ ولقيتي وحده تناسبه لكن عرفتي بعدين إنه كد تملكت والغي مثل حالتي هل ترفضينها وتعتبرينه عيب ؟؟

ما صار إلا كتابة العقد بس ...

تكفون ردوا علي ؟؟؟؟ والله نفستي تعبت مررررة .... :44:





//