هل اعتبر عاقه ؟

بنات اذا كان الاب متزوج وعنده ابناء من زوجته
ودايم ياخذ من فلوسك ويطلبك ويصرفها لعياله وزوجته وحتى سواقك يصير يخدمهم ويجيب اغراض عياله وحرمته من اكل وشرب مع ان السواق لك ونتي دافعه راتبه
هل رفضك يعتبر عقوق لابوك خصوثا انه لمن تكلمتي زعل واتهمك بالعقوق والجحود
مع العلم زوجته وابنائه يكرهونك ويحقدون عليك وقلوبهم سوداء وعمرك ماشفتي منهم خير لابطفولتك ولابشبابك وكانت زوجه ابوك تاذيك وتظلمك بطفولتك وبعد ماكبىتي تحرض ابوك وتستعمله كااداه لتحقيق رغباتها وانتي بنفس الوقت تبين تبرين ابوك ولكن ابوك بره مرهون بانك تخلين سواقك تحت امرهم وتعطينه فلوس لهم وقت مايبي واذا رفضتي اوعارضتي فانتي عاقه وفيك وفيك وفيك ويغضب عليك ومايرضى ويزعل مع العلم ان ابوك ماعمره صرف عليك لابطفولتك ولامراهقتك وكنتي عايشه على صدقات الاقارب واهل الخير وكنتي بصغرك تموتين جوع ولاتلاقين اللقمه زوجته تقفل عالاكل وحتى الكسوه كان يمن عليك فيها ويسبك اذا عطاك كسوه والدلع كله والفلوس كانت لزوجته وعياله حتى البسكوت تشتهينه وتشوفينه بيدينهم ونتي صغيره وتتمنين ان امهم تعطيك حبه بسكوت وماتعطيك وتقفل عالاكل والاب مايصرف وكان يمن ويذلك حتى لوجزمتك انقطعت وانتي بالمدرسه كان يخاصمك ويوديها للخياط تتخيط عشان لايشتري لك بدالها وبنفس الوقت عياله مرفههم عالاخر ومدلعهم بصغرهم وانتي تتفرجين وتتحسرين والام تقفل على كل المقاضي بالمخزن وتجلسين جيعانه وتطلبين من مديرتك بالمدرسه فلوس عشان تشترين اكل لك ولخواتك بل وصل الحال انك كنتي تبيعين كتب اختك حقت الكليه على المكتبه عشان تحصلين ٥ ريال وتشترون بها اكل انتي وخواتك
والان بعد ماكبرتي وفتحها الله عليك صارو يبغون يستفيدون عن طريق ابوك يستخدمون سواقك وياخذون فلوس عن طريق الاب ويوم سافر سواقك الاول وطلبتي من اخوانك يشترون بريال خبز مايجيبونه لك ويصرفونك ويوم جبتي سواق جديد وصار سواقك كويس خلوه يكرف لهم يجيب مقاضي البيت ويعبي اسطوانه ومويه واغراضهم حتى الدخان يرسلونه يشتري لهم والخبز مايجيبونه سواقك هو الي يجيبهم لهم وكارفينه مع انهم شباب ومعاهم سيارات وموصغار بس كله عن طريق ابوك ياخذون الي يبغون
وابوك يوم رفضتي هالحال اتهمك بالعقوق ودعا عليك وللعت المشاكل بينك وبينه بسببهم وصاير حزين وانامابغا منكم شي وانا ماحتاج شي والله لايحوجني لكم وانا ماحد يبر فيني من عيالي وعندي سكر وضغط ويرمي كلام
مع العلم لو طار وسافر هالسواق وطفش بتتبهذلين بالتكاسي والليموزينات ماحد منهم بيوديك اويجيب لك شي حتى لوتبين بريال خبز مايشترونه لك وابوك كبير وتعبان ومابيودي ويجيب
رايكم سالتكم بالله