موضوعي بالمختصر شويه فضفضه ابيكم تواسوني
انا كنت حامل بالشهر لتاسع وزوجي دوامه دايم يعطونه دورات خارج المملكة المهم مرة من الايام جاتني قريبة لزوجي من قريب وقالت لي ابي اكلمك بموضوع تري ولدك ام زوجك ولا انا بحكم انها ساكنه معانا مانقدر نمسك ولدك ولا حتي الخدامه تعرفين الخدامه ماش انا اتفاجآت اولا عمري ماقلت اني ابي احط ولدي عندكم وعمري مافكرت احط ولدي عن اهل زوجي ومافي سبب خلاها تفتح معاي الموضوع المهم قلت لها ابدا ماراح اتعبكم فيه ولا فكرت اني احطه عندكم المهم كملنا كلامنا وضحكنا سوا علما اني احب هالانسانه لكن من بعد كلمها حز بخاطري هي صادقه مافي احد متكفل بولدي غيري سوا انا او اي ام المهم ولما حمدالله ولدت بسلامه كل مره اتذكر كلامها وابكي احس اني تحسست حتي مع اهلي ماابي امي ولا خواتي يكون هالرضيع ثقل عليهم ،،
لدرجة امي تقول لي يابنت ارتاحي ونامي ولدك مايخليك تنامين اعطيني الولد عنك اقولها لا لا لا في نص الاربعين حنت علي وصرت لما اصحي احصل ولدي عندها تاخذه من عندي وانا في قمه النوم .. وخواتي يقولون سافري بعد الاربعين وخلي الولد عندنا اقولهم مستحيل ...
والي جرحني اكثر حاجة وهنا انا زعلت مرره زعلت زعلت عليها لما زوجي قال في جمعة لنا مع امه وقريبته اننا حنسافر لو حابين يسافرو معنا وترى البيبي بيكون معنا .. ردت اعتبر اردها جدا سيئ لي قالت خلي البيبي عن امك ليش تاخذينه معنا وقلت لها انا مااسافر اي مكان من غير ولدي وتسالني ليش خلينا نسافر وخلي ولدك عند اهلك ولدك بيتعبك ولدك بيمرض علينا قلت لها بكل احترام ولو انا ماراح اخليك ماقدر .. يعني فهمت من كلامها اهم شي تنبسط طز فيني وبولدي ..
زوجي ماقلت له ع كلامها وحتي لو قلت له كلامها ماراح ياثر فيه انه يحبها ومايسمع فيها ،،
بصراحة من بعد كلمتها خلي ولدك عند امك خلينا نسافر انقهرت وقلت بنفسي ماراح اوافق لو زوجي حجز لها معي في اي سفرة وماراح اخليها تروح معي اي مكان لو نتمشي ..لو بينا خلاف كان قلت معليش لكن مابينا شي وكذا تقولي .. ايش رايكم ..
الآم الحنوونة @alam_alhnoon_4
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
اتخذي موقف طالما بانت بعض تصرفاتها
صح نقول احسني النيه .. ولاكن لا يعني الاستغباء واستغفال النفس .. من بعد كذه حطي حدود بينك وبينها و خليك رسميه معاها .
وعن اهلك ياعمري الاهل غيرررر
والناس يختلفوا في ناس بطبيعتهم يحبوا البيبيات وفي ناس ما يتحملوا ابدا ابدا
وامكن اهلك من النوع الي يموووت على ريحة البيبي فلا تحرميهم من شيلة احفادهم ومنها تخفيف عليك
زوجك حبه حبه اظهري له عدم تقبل قريبته لطفلك .. حتى لو فرضا رفضت وجود طفلك بالسفر او لاي مكان يكون عنده علم مسبق بانها ما تتحمل الرضيع . اما كذه مره وحده تقولي له لا تحجزلها ولا تاخذها ما حيعجبه بالذات انه شايفكم سمن على عسل .