هل اعلم زوجي او اسكت

كل عام وانتم بخير وتقبل الله طاعتكم
عندي موضوع يخصني انا الحمدلله لك يارب ماشاءالله حللت وطلعت حامل ( بعد سنين طويله)
انا للحين ماعلمت زوجي بحملي وانا عارفه انه بيفرح بالخبر لكن هو مو حارص على الحمل مره يعني الموضوع عنده عادي لاني كنت اتضايق ماحملت يقولي ولا تزعلين اللي عندنا خير وبركه وهالشيء مطمني الحمدلله
مشكلتي اهله وامه واخواته لاني مقاطعتهم ولاحضو السبب قبل تجي وحده وتتتكلم كلام ماله داعي ( انا عارفه عبارة حتى البساس تحمل وانه مو ولي عهد ولا امير ولا ....الخ )
لاحضو مشكلتي مع اهله وامه بوجه الخصوص بحملاتي السابقه زعلت ليش احمل تقولي أنتي تحملين عشان مايطلقك ولدي خايفه من الطلاق لانها تزن ع راسه يطلقني ( بذمتي هالكلام وانا مسؤولة عنه بالشهر الفضيل انها سعت لطلاقي بسبب غيرة واتهامات باطله وظلم )
واخر حمل لي كنت بالشهر الاول راحت تدق ع اقاربي اللي مايقربون لها ( انا وزوجي مو اقارب ) جمعت ارقامهم ودقت عليهم تشتكي مني ومن تعاملي معهم وتبي الناس تنصحني اخاف الله وبنفس الوقت شرشحتني وتكلمت ببيتي ونظافته وفيني وبشكلي ومع السوالف والسب علمتهم اني حامل وانا توي ماتميت 40 يوم
طبعاً من ذاك الوقت قاطعتها بسبب فضيحتها لي واكلها بعرضي وتشويهها لسمعتي كان بإمكانها تنصحني مباشره اذا نيتها نصيحه مو فضيحه
والان وبيني وبينها سلام لله فقط ومباركات اعياد ورمضان
نيتي اني ابسكت عن زوجي فترة لين يثبت حملي لاني مثل ماقلت لكم لي سنين طويله فوق 5 سنوات مافي حمل
وابسكت عنه لانه مستحيل مايعلم امه بخبر مثل هذا وانا ضامنه ردة فعله ماراح يزعل لو خبيت عليه او مثلت اني مادري لانه مايدقق وماهمه الموضوع اصلاً
ابي راي الحكيمات ولها دعوه من قلبي واللي تبي تتكلم علي او تغلط ماراح ارد عليك لكن اكتفي بعدالة رب السماء 🌹