هل افاتح خوات زوجي لانه لازم وضوح

مساء الخير
انا سبق وذكرت ان زوجي جدا رسمي مع أهله واحس انه صاير بينهم موقف الله اعلم ايش هو انا ما تدخلت وقلت ايش علي انا اباصلهم وعلاقتي معهم كويسه هم والله معي ماقد شفت منهم إلا كل خير انا ساكنه بجنبهم احيانا ارسل لهم اذوقهم طبخي واذا زرتهم اخذ حلا او مالح واذا جوهم ضيوف اخذ معي مكرونه او اي طبق في البداية زوجي يتضايق لا تدخل وحده وتحسب ان زوجي خاتم بصبعي وما يبي يكلف علي لا مو هذا مقصده بس يبي يتحكم اليوم كنت ابزورهم وسويت كيك زوجي عصب علي وقال لا تاخذينه قلت ليش وش السبب قال مو من شئونك ومالك دخل في اهلي وانا ما احب شي يطلع من بيتي واذا ثاني مره اخذتي لهم شي فمالك مكان في بيتي قلت اوكيه يوم هدا وروق جيته في التي هي أحسن وفتحت له الموضوع اني ترى مو دائم ارسل لأهلك طبق ترى قليل وانا استحي ازورهم ويدي فاضيه خاصه اذا عند امك عزيمه ودي أشارك بطبق مو كني ظيفه انا متعوده على الكرم من يوم قبل اتزوج حتى لو نروح لم الجيران لازم ناخذ شي بسيط فما بالك اهلك الي زي اهلي وانا احبهم وهم كذالك قال انا قلت لك الي عندي وانت براحتك سوي الي تبين وخلي اهلي ينفعونك اذا طرتك من حياتي انا صراحه انقهرت من كلامه المرات الجايه مو زينه في حقي اروح زي الظيفه خصوصا ان خوات زوجي المتزوجات ماشاء الله دائم يعزمون أهل أزواجهم واذا زاروهم ياخذون اكلات انا افكر اني افاتح خوات زوجي الصراحه هم محترمات لاني ما ابي اسكت ويحسب اني ما عندي سنع ودي اقولهم اني والله ودي اجيب معي وغسل على قلبي وانا ما تعودت اني أسير على احد ويدي فاضيه بس انا الظروف قهرتني ومغلوبه على أمري وما ابي اقول لمكم ما ابي أضيق صدرها انا مو اشتكي لكم من اخوكم انا فقط أبين الصوره الي قاهرتني