اب

فيه ناس عندهم ملكه حفظ وفيه ناس ملكه فهم وناس ماشاء الله تجمع الحفظ والفهم يعني هذي خلقه من ربي بس انك تقولين انها تنسى لازم تروح لاخصائيه تقيس لها مستوى الذكاء وتشوف النطق عندها يمكن عندها صعوبات تعلم

الفروق الفرديه حتى بين الأخوان ..والذكاء أنواع ..ذكاء لغوي..ذكاء إجتماعي ..ذكاء تحصيلي...الخ
وتشوفينه حتى في الكبار تلقين بنت لهلوبه في كلامها كلامه وقصصها ماتملينها إلقائها تلقينها بس في الأذاعات المدرسية ومع ذلك ضعيفه في التحصيل..وفيه بنت ممتازة في دراستها الحفظ عندهاوالتحصيل تمام ومع ذلك علاقاتها محدوده وممكن مايكون عندها صداقات..وفيه اللي يجمع بين أنواع الذكاء ماشاء الله
بنتي نفس حالت بنتك مع بنت عمتها ومع ذلك ماقارنت بينهم أبدا" بس أللي حولي من يومهم صغار وهم يقارنون وأنا أتجاهلهم وصلت السخافة بهم طبعا هذا يوم كانت صغيرة عمرها 3سنوات يجيبون بنت عمتها ويقولون عدي إلى 30 وماشاء الله تعد ولا غلط بعدين يلتفتون لبنتي ويقولون قولي كرتون وتقول ترتون ويكرون ضحك
وأنا ياجبل مايهزك ريح ..والدراسة عذبتني فيها طبعا السنوات الثلاث الأولى والحمد لله اللحين هي وصلت لخامس ماضرها بس ربي عوضها بالذكاء الأجتماعي فكانت محبوبه من الجميع لا أخوالها ولا عمانه ولا مدرساتها حتى صديقاتها في المدرسة يسمونها القلب الكبير
الحمد لله رافعة راسي بأخلاقها وتعامله ومحبة الناس لها
ماأخفيك يوم كانت صغيرة كان هالشي يضايقني وكان ودي تصير ملكعه شوي وتفك حقها بس الحمدلله أللي أشوفه الحين ينسيني كل أللي فات
وفي المقابل أختها عندها الذكاء التحصيلي توووب ماشاء الله الحفظ عندها عالي جدا"ومع ذلك صداقاتها محدوده فالحه بس في شطارتها والآن أنا أعاني من تعاملها مع الناس معد يهمني التحصيل وبطاقات الشكر وشهادات الأمتياز كل همي تحسين تعاملها مع الناس وتهذيب سلوكها
ولو تدرين أن معلماتها يحبونها من محبتهم لأختها بس ولا تفوقها ما شفع لها

الله يخليهم لي ويلحقني برهم ويحفظهم ويوالف بينهم

الف شكر بنات ..
هي معنا ماحسها غبيه .. ولما كانت اصغر من هالعمر كانت محبووووووبه بشكل مو طبيعي حتى لما اطلع معها مكان يوقفوني عشان يكلمونها .. لانها جميله جدددا ماشاء الله وشكلها ملفت للنظر وفوق هذا اجتماعيه اي احد يكلمها تتكلم معه بلطاافه وتسوي حركات فيها الكثير من خفة الدم .. مره راحت معي لدكتورة نساء كنت حاامل لو تشوفون شكل الدكتوره شوي بتستجن على بنتي ..رغم الزحمه الي عندها ظلت تحضن في بنتي وتتكلم معها وهي مرره حابتها ... لكن للاسف لما كبرت ودخلتها الروضه لاحظت انها ماتحفظ ومن جبت بنتي الثانيه بدت الغيره والحركات الي من جدد تعصبني منها ... الحين في ثاني ابتدائي ومضااايقتني مره موضوع عدم الحفظ .. تعبااانه توقعوا بنات اليوم كلله معها احاول تحفظ.... للعلم بان اهتم في اكلها .. من الصبح اقول لها الي تبيه اسويه اصناف من الاكل على الفطور واخليها تاكل تمر وكذالك اخلط لها عسل مع قشطه مثلا واحيانا اخليها تشرب ملعقه واحط لها في شنطتها الي تبيه .. وهي ماشاء الله في الاكل مو متعبتني .. ليه اجل مااتحفظ ..؟؟؟ بناات تعباااانه طوول يومي الى الليل وانا في عصبيه شديده من المذاكره معها ... وش اسوي لها ؟؟ سألت عن اخصائي سلوك للآن مالقيت .. لان بنتي غير الدراسه متعبتني في تصرفاتها مع اختها ...الله يهديها ..

طولي بالك العيال يبي لهم طولت بال
وأكيد أنك عصبية وتحبين الكمال
تراني مثلك وسألت دكتورة في الجامعة"علم نفس نمو"
قالت المشكلة فيك حاولي تمسكين أعصابك وإذا حسيتي أنك بتنفجرين أدخلي غرفتك وأجلسي شوي قولي الحمد لله أنها مو معاقة
الحمد لله أنها مو مريضة ..الحمد لله أنها تحت عيني محد يتولاها ألا أنا ..
وكثري التحميد وتشوفين ماتهدين
بعدين تعالي ترى مو لازم كل اليوم مذاكرة كذا تطفشينها وتطفشين أبوها إذا حفظت زين وإذا لا بكره كملي
الله يصلح حالك هونيها وتهون