هل الام هذي انانيه؟

مرحبا
بنات لو فيه ام عندها عيال وبنات
كثير وكلهم متزوجين
لكن فيه وحده من بناتها كانت معها
دايم قبل تتزوج
وتزوجت هالبنت بسميها نوره
فجاه الام ماتبي الا نوره
لدرجه صارت انانيه الام
عادي عندها تهدم حياة بنتها نوره
او تطلق نوره
اهم شي تقابلها
وتقضي مشاويرها
وتنام عندها طول الوقت!!
ولا تبي الام تروح لعيالها المتزوجين
ولا لبناتها الثانيات
لدرجه عيالها وبناتها
رامين المسوليه كلها على نوره
وزوج نوره صار يلاحظ الكل مرتاح
الا زوجته نوره هي الوحيده
اللي متكفله بالام
صارت نوره بس تتمشكل مع زوجها
لان الزوج يقول وين اخوانك
وين خواتك
ليش لحالك زي الشغاله
اللي مقابله امك وينهم هم؟
اخوانك مرتاحين مع حريمهم
وخواتك مع ازواجهم
وانا الحمل مرمي عليك
انا مب مسول عن امك
عشان طول وقتك نايمه عندها
ماكاني متزوج
ولا طول وقتها عندنا بالبيت ىانتي
مقابلتها
البنت تبكيييي عندي
تقول تعبت تعبت
امها ناشبه فيها بشكل غير طبيعي
وتقول امي انانيه
ماتفكر الا بنفسها
كل همها اقابلها طول الوقت
واديها واجيبها كاني سواق وشغاله!!
تقول قبل كنت اسوي هالشب لما كنت بنت
ماعندي بيت ورجل
بس الحين امي مب مستوعبه
اني متزوجه
تحلف بالله نقول ضايق صدرها
ونكدو علي من يوم شهر العسل
وبس يدقون امي تبكي
متى تجين امي تبي ترجعين
وهي تقول مب حب لي امي
امي تبي من يخدمها ويوديها ويجيبها
لان امها ماعندها شغاله
ولا تحب الشغالات فكان اللي يخدمها
نوره قبل زواجها
فلما تزوجت
امها فصلت وصارت تسبب مشاكل
وزعل وصياح وبكي تبي انها تجلس
معها طول وقتها
وتقول خلي الرجل امك اهم!!
وخواتها واخوانها
يرسلون لها واتس ويدقون عليها
يسفلون فيها ان ليش مارحتي
لامي؟
داقه تبكي
تبيك تجلسين عندها
ترا اذا جاء امي شي انتي المسوله
البنت تبكي وتتهاىش معهم
تقول خير رامين امكم علي لحالي
وانتم كل واحد لاهي ببيته وعياله
لكن
كلمتهم الوحيده
كلهم
عيال وبنات
”امي تبيك انتي حنا ماطقت لنا خبر”
هم مرتاحين ان امهم انانيه
كل همها تجيب نوره
فحطينها حجه لهم
ان امنا تبيك
حنا ماهمناها
هي تقول استاهل لاني كنت الوحيده
الباره فيهم
واللي معطيتها وجه
نكدت علي كذا
اما خواتي
ماكانو يعطون امهم وجه
فامهم عادي
ماتفقدهم
ولا شي
ولا همها
بس مركزه على نوره
وامس تقول مرسله لي
مقطع
عن عقوبه من الحكومه عاى العاق
اللي مايرعى اسرته وسجن
مرسلتها ام نوره لنوره
بالخاص كانها تهددها!!!!!!
معقول فيه امهات كذا
نوره تبكي تقول انا احطها بعيوني
لو امي عادله مب رامين
المسوليه علي وعيالها وبناتها مايدورن عني
تقول تبيني شغاله وسواق لها
وبناتها وعيالها تقول كيفهم مشغولين
عندهم حريم وعيال !!
وزوج نوره صار يلاحظ يقول ليش
مايروحًلها
ولا يخدمها غيرك وهي عندها
٨بنات وعيال!!
اللي مثل كذا وش الحل معها
خاصه اخوان نوره وخواتها
مركبيها الذنب
انه روحي لها
نامي عندها
لو جاها شي بسببك