هل الانترنت له فوائد؟ والافقط للتسليه

ترانيم قلبي :

هلا وغلا أول شي اعترفي عندك لاب توب ولا ماعندك *_^ معليش راح اجاوب على سؤالك الثاني أول شي لأنه بصراحه استفزني لا ني ما احب ربط الظاهر بقيمة الشخص الفعليه البنت اللي عندها لاب توب تراها تاكل وتشرب وتنام زي اللي ماعندها لاب توب اذا كنت تقصدين ان الاب توب بحد ذاته يسوي فرق بين اللي عندها واللي ماعندها فأنت غلطانه 100% لأانك لو شفتي وحده اللاب ضرها اكثر مما فادها راح تحمدي ربك انه ماعندك وان شفتيه فادها راح تتمني يكون عندك يعني حسب الاستخدام واحنا دايما نردد هالجمله انه سلاح ذو حدين واصلا الكلام ماعاد صار على اللاب توب نفسه صار ع النت يعني الفايده والمضره مرتبطه بالنت لانك تقدرين تدخلين عليه سواء بلاب او جوال او ايباد او الذي منو فسواءاً كان الفرق اللي تقصدينه هو فرق فعلي في الثقافه وغيره او فرق ظاهري بس برستيج يعني واني عندي وانت ماعندك فالأمر ماهو متعلق بالجهاز بحد ذاته طالما عند اي وسيله تدخلين فيها عن النت فماراح يفرق انك تمتلكيه او هو لغيرك أما هل الانترنت مصدر ثقافه عن نفسي اول ما استخدمت الانترنت كان تسلية وعلشان اتخلص من الفراغ خاصة بالاجازات والتسليه اللي اقصدها احيانا تكون تسليه بحته يعني استمع لاناشيد اسولف ...الخ واحيانا اتابع اشياء مفيده وترفه عني في نفس الوقت بس لماوصلت لحالة الادمان كرهتتتتتتتت النت بشكل فضيع لكن ماقدرت اتركه لان ماكان عندي شي غيره وهو بصراحه مانقدر ننكر ان ادمانه كان له اثر سلبي في تفاعلي مع الحياه توصلين لمرحلة عدم المبالاه باللي يصير حولك وكأن حياتك بالنت اللي يفرحك واللي يزعلك واي شي يحرك مشاعرك وضميرك كله بالنت فلما ينقطع عنك تحسي ما كأنك عايشه بالحياه وهمين واجبات كثيره عليك فلادمان له تأثير سلبي من الناحيه النفسيه والاجتماعيه والاسريه مع اني غالبا كنت اتابع اشياء مفيده لكن لما تدمني انك تتابعي بدون ماتفعلي اللي تابعتيه بالواقع بيصير بلا فايده لك مؤخرا وبعد مافكيت من حالة الادمان بعض الشيء ولله الحمد والتفت للجزء الجاد من الانترنت صرت احس الانترنت نعمة كبيره لأنه جمعلك كل الثقافه والعلوم والمعارف بضغطة زر وبالأحرى التفاتي للمفيد الجاااااد هو اللي خلاني افك من الادمان وبعد ماصرت اعيش حياتي بشكل جاد وصار الانترنت جزء وليس كل حياتي صرت احس بفايدته فنصيحتي لك اذا كنتي مبتدئه بعالم النت وتبغي الفايده فعلا ابعدي عن جو المنتديات وماشابهها يعني لا تخليها وجبة يوميه وازني باختصار والتفتي للمواقع المتخصصه واستقي من كل موقع ماتريدين وراح تلاقي بأي مجال مواقع مو موقع واحد ومواقع فعلا تشبع رغبتك الثقافيه لكن المنتديات ماراح تحصلي منها الفايده الا الشيء القليل وبعد ما اتقضي اوقات كبيره وراح تبعدك عن تحصيل الفائده الى تفريغ الطاقات والترفيه والتنفيس فخليك حذره هذا اذا فعلا كانت همتك همة وحده تبغى تستفيد مو وحده داخله النت تدور الترفيه فقط لكن بعيدا عن الحرام

هلا وغلا أول شي اعترفي عندك لاب توب ولا ماعندك *_^ معليش راح اجاوب على سؤالك الثاني أول شي...