هذا السؤال دايم يدور براسي كلما شفت شغالة اندونيسية تنق على أحد أو على حاجة
وماتذكر الله
يعني معقولة مسلمين ومايعرفون كلمة "ماشاء الله" ؟ أو أنهم يقولونها بطريقة ثانية؟
أو لهم عقائد خاصة في العين؟ مثل مالهم اعتقادات خاصة في السحر والشعوذة ويحسبه كثير منهم حلال؟
فهل لهم اعتقادات في العين أيضاً
أنا مايبط كبدي كثر نقـهم على البزارين (أطفالنا) لما يشوفونهم يلعبون أو ياكلون
يعني بالله إذا هم يعرفون العين مافي قلوبهم رحمة لها الأطفال الضعيفين؟
كذا وحده سمعتها تشتكي من عيونهم في أكل البزارين .. مع أنهم بنفس الوقت مفتوح لهم بوفيه البيت ع الآخر
بس ماادري ليش مايشكرون النعمة وياكلون وهم ساكتين ؟؟؟
المهم ماودي اطول عليكم
عندي سؤالين الحين هم أهم شي عندي:
هل يمكن استعمال الأثر من الأندونيسية؟ وكيف؟
و إيش هي معتقداتهم في العين والحسد؟ هل أحد من العضوات سبق ناقشت اندونيسية في هالموضوع أو عرفت منها كيف يفكرون فيها الموضوع
وعشان لانظلمهم: أكيد فيه منا وفينا ناس زي كذا مشفوحين ومايخافون الله
وعيونهم في نعمة غيرهم حتى ولو كانوا إخوانهم ( أو الضعيفين أبناء إخوانهم)
<<<< أنا هنا بس ممكن أسامح الأندونيسية وأقول إذا المتعلمين عندنا والفاهمين تحجرت قلوبهم أجل ماتنلام هالاندونيسية الجاهلة
ومن جهة ثانية عشان لانظلمهم بعد
أقول يمكن أن الاندونيسيات مثل بعض الجهال عندنا يحسبون أن العين فقط هي
الي تكون مع الكره ورغبة زوال النعمة.. أما مجرد التعجب والانبهار فهذا مايضر
وتشوف بعضهم مايذكر الله <<< وهذي طبعاً فكرة غلط وللأسف
حتى بعضنا يعتقدونها ومايدرون أنه أي شي تشوفه وتنبهر منه بإعجاب يتوجب عليك ذكر الله عليه والدعاء بالبركة
لأجل أن لاتصيبه بالعين حتى لو كان قلبك طيب ونيتك نظيفه .. لابد من الذكر والتبريك باللسان حتى يخسأ الشيطان.
ودليل ذلك حديث
عن سهل بن حنيف ، عن النبي صلى الله عليه وسلم قال :
إذا رأى أحدكم ما يعجبه في نفسه أو ماله فليبرك عليه ، فإن العين حق 
رواه أحمد ( 3 / 447 ) ، والحاكم ( 4 / 215 216 )
معنى "فليبرك" أي يدعو بالبركة
هذا ماله ونفسه هل أغلى عند الإنسان منهم؟؟؟؟؟
ومع ذلك مطلوب منه يدعو بالبركة.. فكيف إذا أعجبه من غيره؟؟