كل اللي أقدر أقلك هو بعد اللي قالوه الأخوات...
إنه ربنا ما أخد شي من أحد إلا وعوضه بشي تاني.. صدقيني والله ... ربنا ما يظلم أحد ولا يعطي ناس جمال وجسم وكل شي وناس تانيين يعطيهم جسم بدين وقباحة إلا وربنا معوضهم بشي تاني يمكن ما تعرفيه دحين لكن مسيرك تعرفيه..

تصدقي بالله إني أنا إنسانة متينة وكنت اتضايق من تعليقات الناس والكلام دا كله... لكن والله والله سمنتي هادي علمتني أشياء كتيرة وبالعكس خلتني أحاول أكمل نفسي وأهم شي اتعلمته منها هو إني أكون إنسانة تحس بالآخرين وباللي يجرحهم ولا أحاول أقول لأحد كلمة تأذيه زي ما بيسوي مع الأسف بعض من أهلك وغيرهم كتير..

وترى كل الناس حلوين ... هادي خلقة ربنا... وياما ناس يقولو لي شوفي فلانة شكلها حلو وأنا صراحة ما أشوفها حلوة والعكس صحيح برضو... بالله عليكي نانسي عجرم حلوة؟؟؟ أنا صراحة ما أشوفها حلوة مع إنه معظم الناس متفقين على إنها حلوة.!!!

يختي ولا تزعلي نفسك خلي اللي يتكلم يتكلم واللي مو عاجبه خلقة ربنا يخبط راسه في الحيط...

وعلى فكرة أنا مو عاجبني حكاية تشبيه الزواج بالموت حتى لو هو قدر لأنه الزواج بداية حياة جديدة وإن شاء الله حلوة والموت نهاية حياة في الدنيا... اتزوجي يا أمي ويمكن زوجك هادا يشوفك أحلى وحدة في الدنيا ويعوضك عن كل الكلام اللي سمعتيه.. وبعدين ماشاء الله ما دام بيجيكي عرسان معناته إنتي مطلوبة ومرغوبة وفي غيرك والله ما يجيهم.. فأحمدي الله ولا تضيعي الفرص وخلي صلاة الاستخارة طبعاً قبل كل اختيار...

طولت عليكي .. لكن اتمنى كلامي يكون غير ولو شي بسيط في نفسيتك... وكل كلمة تسمعيها وتأذيكي وتكتمي غيظك في نفسك فإنتي إن شاء الله مأجورة عليها.

الجمال مهم بس نسبى فى نفس الوقت
يعنى اذواق الناس تختلف
اللى انتى تشوفيه حلو غيرك لا

وانا اقولك مثال من الواقع تقولى احدى صديقاتى
انهم كانو بيخطبو لاخوهم وكان يبيها حلوه او جميله
وهم نفس الشى يبوها حلوه عشان اخوهم يبى كذا
قامت قالت لصديقاتها ابى واحده حلوه قامت واحده تتكلم عن جارتهم
تقول صاعقه من الجمال

بيضا ءوعينها خضرا وملامحها جنان
مافيها الا عيب واحد شعرها مو ناعم

قالت اخت الولد اذا على الشعر ماشى فى شى اسمه سشوار وكوافيرات
راحت جرى هى واهلها يخطبوها
تقول انتظر الجمال الاشقر يوصل
ووصل
تقول
شوفى هى طلعت صح بيضا مرررررررررره
عيونها خضراء وتلمع كمان
بس ماعجبتهم
لاتسئلينى كيف ماعجبت الاهل
مو حلوه
ولبسها للاسف كان اقل من عادى
مو من ناحيه تكلفه اللبس بس الذوق
وماعجبتهم
شفتى كيف الناس اذواق؟؟


وشفتى كيف ان نص الجمال هو اناقه و كيفيه ابراز الجمال اللى اكيد موجود فى اى بنت؟؟

واعرف واحده ولدها ارسلها لبيت فلان قالها اخطبيلى واحده منهم (اخوات صاحبه)
تقول رحت لقيت اثنين منهم مو متزوجين ولا مخطوبين
تقول واحده وااااااااااضح جداا انها احلى
والثانيه عاديه او اقل من عاديه وسمراء بالنسبه لاختها
راحتله قالتله خلاص الصغيره حلوه ولونها فاتح
وطالما حابب تناسبهم تبينى اخطبهم رسمى؟؟
قالها ايوه بس خلينى امهد لصاحبى
وراح لصاحبه وقاله انه ناوى يخطب منهم
مدرى كيف صاحبه فهم ان خطبته للكبيره
والولد انحرج ومشى الموضوع
وقال لامه روحى اخطبى الكبيره بس
وراحت خطبت الكبيره على مضض
يوم شافها الولد
انجننننننننن
وقالها انتى ماتعرفي توصفى يامى ولا تعرفى الجمال

شفتى كيف النصيب؟؟ وشفتى كيف الجمال نسبى والناس اذواق؟؟

مو شرط
احيانا الجمال يكون نقمة على صاحبتة
وبقول لك شي مافي امرأة قبيحة فية الي ماتعرف تبرز جمالها
بس ياحبيبتي انتي ناقصك شوية ثقة على شوية اهتمام على شياكة
ادخلي قسم المكياج والشعر والبشرة ومو لازم كريمات مبيضة خلطات كريمات مانعرف وش مصدرها
روحي لطبيبة جلدية ثقة وخليها توصف لك العلاج الطبي المناسب
اهتمي بشعرك وبشرتك وطريقة وضع المكياج المناسب واللبس المناسب لك وابرزي انوثتك
اختاري قصة ولون مناسبين لشعرك وبشرتك
اختاري الوان المكياج والعدسات الي تناسبك
والوان الملابس المناسبة
اختاري عطور فيها انوثة
اهتمي بالنظافة ولإستحمام يوميا
دائما ادعي ربي الله اجعل في وجهي نورا وفي قلبي نورا
الله احسن خِلقتي وخُلقي

حبيبتي الرسول صلى الله عليه وسلم شرع في الخطبة رؤية المخطوبه الرؤية الشرعيه لذلك لاترفضي من يتقدم اليك من اجل الشكل لانه بالرؤيه الشرعيه سيراك فان قبل شكلك سيتمم الامر وان لم يرتاح سينسحب . وكما ذكر احد الاخوان الرجال الذين ردوا عليك ان الجمال مسألة نسبيه .. و اهتمي بنفسك وابحثي عن الاشياء التي تزيد من جمالك من ملابس ناعمه وخلطات وقصي شعرك بطريقة جميله وان كان وزنك زائد انحفي وغيرها من الامور التي تزيد البنت جمالا واسال الله لك التوفيق

شوفي عزيزتي اذا على كلام أهلك هذا لاتعبرينه ولاتعطينه وجه وبكره ان شاءالله حيشوفو صدقيني يا اختي دايم اللي يعيبو عليها نصيبها يكون الأحسن من الباقي وصدقيني انا شايفه هالشي بعينييييي والله
انا اعرف وحده جميله ماشاءالله تبارك الله جمالها خيال ودايم يخطبون هالبنت على اساس جمالها وما يسألو عن أخلاقها كيف! المهم تزوجت هالبنت وفي ليلة عرسها ماشاءالله كانت قمر 14,, شهرين والثالث الا وهي مطلقه تخيلي!! يقول زوجها اخلاقها زفت وشايفه نفسها ومايعطيها كلمة الا وترجعه بعشره ...
شايفه يا اختي الجمال مو شي اساسي اهم شي اخلاق البنت واسلوب تعاملها مع الناس والله بيخليها ملكة جمال وبعدين لا ترفضين اللي يجونك عشان خاطر كلام اهلك لك حرام تقطعي نصيبك اهم شي راي اللي بيتزوجك اذا عجبتيه خلاص مالك شغل في كلام اي أحد والأهم من كل هذا انه لازم يكون عندك ثقه في نفسك وانك تكوني جميله في نظرك انتي قبل لاتكوني جميله في نظر الناس ونصيحه مني لاتبيني لأهلك انك متحسسه من هالشي عشان مايزيدو عليكي ...

أسأل الله العلي القدير أن يرزقك زوجا تحسدي علييه ويجعلك في نظره الأحلى ..