هل الحمل والولادة حلو ؟

اول شي الف مبرووووك الزواج حبيبتي والله يهنيكي يارب


ثاني شي بالنسبه للحمل والولاده تجربه فيها الحلو وفيها مارح اقول المر لا بس فيها الصعب

ومو كل حمل صعب ولا كل حمل سهل ولا انا حملي مثل حملك والعكس كل وحده لها طبيعه

جسمك صحتك شخصيتك كلها لها دور في تجربة الحمل وحلاوتها

انا حملت وولدت 4 مرات ووحامي صعب شوي بس اقولك تجربه حلوه والامومه على قد ماهو احساس متعب

على قد ماهو حلو الله لايحرمه احد ومن وجهة نظري أي شي تستقبليه بتفاؤل بيهون ويتسهل

واي شي تخافي منه وتصعبيه بيتصعب ...الم الولاده اخره احلى احساس وترى بامكانك تتفاديه بطرق كثيره


يعني ماهي شي يخوف ابدا ربك كريم ويسهلها في وقتها ولما تشوفي البيبي تنسي كل شي بلحظه


تصدقي احس حيرتك اكثر بدل ما اساعدك بس باختصار الحمل والولاده شعور حلو واحساس رائع

الله يرزق كل من يتمناه يارب

اناا لي شهرين عروس وللحين ماحملت وما استخدمت المانع ماراح استخدمه الا بعد اول بيبي لآن الدكتوره قالت لي يلخبط هرموناتك .. وانا عندي فووووووووبياا حمل وولاده كلما تقرب موعد دورتي اخاف واوسوس حامل لا مو حامل ما ارتاح الا اذا نزلت ..

الحمل هذي نعمه من عند الله وشعور جميل وماراح اقول ما يتعب لا راح تتعبن وقت الوحام بس اول ماتحسي بحركة الجنين راح تنسين شهور الوحام وتعبك فيها ..
في حلمي اول ماحسيت بحركه الجنين من الفرحة بكيت وشعور ماينوصف ،،،
وكمان الولادة تتعب وكنت اقول أبغى ولاده قيصريه بس الحمدلله ولدت طبيعي وأول ما سمعت صوت حبيبه قلبي وشفتها نسيت كل الوجع والتعب ..
توكلي على الله وان شاء الله تحملي والله يسهل عليك حملك وولادتك ..
وعلى فكره كثر التفكير بالتعب والوجع هو اللي يسبب لك خوف بالعكس فكري بشي افضل مثلا تخيلي شكله وهو في حضنك ،،
عارفه طولت عليك بالكلام بس والله شعور الأمومه شعور ماينوصف

الحمل والولاده شيء جممميل والاجمل لما تكووني ام ..
الحمل متعب نوعا ما لاكن كل شيء يهوون لما تحسي بحركه البيبي ..
الولاده متعبه لاكن تنسي كل التعب لما تضمي ولدك :)

الحمل والولادة مو سالفة يعجبني لبس الحامل واغراض البيبي

معناته ابي احمل

الحمل هي احساس امومه طفل بين ادينك يشغلك طول الوقت
تضحين براحتك وبوناستك عشان يكون بين ادينك طفل تعتنين فيه تهتمين فيك تكونين عيله تسمعين كلمة ماما
مو سالفة احب الاطفال عشان لبسهم وكشخهم لااااا ياقلبي
الامومه تضحيه بكل شيء فيه راحه ووناسه
يعني الاطفال اذا مرضو وتعبوا انتي تتعبين معهم تخافين عليه من النسمه انها تمرضه
يغير نظام نومك تنامين على مزاجه هو باول عمره
غسيل ثيابه وكويهم والعنايه فيهم عشان ماتسببله حساسيه
الرضعات مقدار وغسلهم لازم بهتمام مو غسل كاس وخلاص
الاطفال باول العمر حساسين لازم تهتمين فيهم

اذا بغيتي تستانسين لحالك مع زوجك لازم يكون هو بينكم ياخذ الجو

اما الحمل كلها تعب 9 شهور ويجي فرج ربي
والولادة كلها طلق ساعه وتنفرج من الله عزوجل
بس الرعاية والامومه طول العمر

انا ماكرهك بالامومه بس شيلي تفكير لبسك بالحمل واغراض البيبي
فكري هل انتي متهيئه للامومه والعناية وان البيبي يشغل كل وقتك
وقتك كله منصب للبيبي اكثر من ابو البيبي وشغل البيت اول عمره
بعدين يقل الاهتمام كل ماكبر لانه يبطا يمشي ويعتمد على نفسه بالاكل والمشي والحمام

انا اكلمك مو سالفة اني انحرمت من وناستي صح انحرمة من النوم متى مابي
انحرمت من بعض اللبس بالبيت بعد ماحبت اول كفله لي وانا الحين حامل

بس وربي اني ادور الامومه من انا بنت ويوم جتني وربي اسجد لله شكر ودعي الله مايحرمني وجود الاطفال من صلبي بحياتي
وربي حضنهم يشرح الصدر يزيل الهم
شوفتهم قدامي يلعبون وهم بخير وبسلامه تخليني اسعد انسانه يناديك ماما ماتدرين وشروعتها هالكلمه
انام وبنتي بجنبي اشمها وهي بصحه وبسلامه وربي اعظم من كنوز الدنيا

لذا انتي لسى مو متهيئه للامومه
التربيه مو متهيئه لها لحد الحين
لذا الحمل توك عليه
وحاولي ماتطولين بالمانع هذا لايسببون لك مشاكل
اتفقي مع زوجك بمانع طبيعي مايسببلك مشاكل

اما الولادة والحنل يتجابنت الحلال ذولا يروحون
شهور ورايح تعب الحمل
ساعات ورايح طلق الولادة

بس اللي مايروح التربيه والعناية