هل الخلطات لها نفس النتيجة مع الشعر المصبوغ؟؟؟

عنود الامارات


اذا سمحتي اختي اكتبي الخلطات لى استخدمتيها لشعرك سابقا لانوا اختك عاشقة وهم نفس الحاله؟؟؟

ياليت تعلميني شنو هي خلطه البتول الطاهرة ... وتراا الحال من بعضه ذبحنااااااااا هالصبغ .. الله يكون بعوون الشعر علينااا ..

مرحبا بنات..


تسلمين ساحرة البشر .. الله يبشرج بالخير.




عاشقة وهم .. انا استخدمت خلطتين وايد زينات من المنتدى والحمدلله هم اللي فادو شعري.

الخلطة الأولى عبارة عن مجموعة متساوية من أي زيوت تحبينها ـ حسب طول الشعر ـ وعليهم راس ثوم مدقوق.

يعني تدقين فصوص الثوم زين ما زين .. وعقب تحطينه في خلطة الزيوت وتسخنينهم شوي على النار لين يدفون وعقب تحطينهم على شعرج لمدة ثمان ساعات تقريباً .. وتستمرين على هالخلطة لمدة ست أسابيع بمعدل مرة كل أسبوع ... بس اختاري يوم معين ولا تغيرينه بحيث يكون موعد وضع الخلطة ثابت لشعرج.

هالخلطة فادتني ولاحظت ان الفراغات الموجودة عندي اختفت بشكل كبير


أما الخلطة الثانية فهي عبارة عن حزمة جرجير + مقدار متساوي من زيت جوز الهند وزيت السمسم + أربع أو خمس ملاعق حبة سودة مطحونة .. ونخلطهم في الخلاط.

أول بادي حطيت الخلطة يومياً لمدة خمسة أيام .. وعقب مرة واحدة في الأسبوع .. ولاحظت ان شعري طول بشكل ملحوظ وصار أطول عن المستوى اللي يوصله دايماً .. مع العلم ان شعري يوصل لطول معين ويوقف او يصير نموه بطيء جدا لدرجة اني ما احسه يطول .. لكن عقب الجرجير الحمدلله لاحظت الفرق في الطول ولأول مرة يوصل شعري لين نصف ظهري.




فديتك.. بصراحة انا بعدني ما جربت خلطة البتول الطاهرة .. بس قريت عنها وعيبتني ونويت عليها ان شاء الله .. وهناك قالو انها موجودة هني بس بصراحة ما عرفت اوصل لها من خلال عملية البحث .. على كل حال انا باحط وصلة الموضوع هني:


http://www.3roos.com/forums/showthread.php?threadid=40552&perpage=15&pagenumber=13


ويا ليت اذا في حد من الاخوات يعرف موضوع خلطة البتول الطاهرة هني يحط لنا وصلة منتدى عالم حواء عشان نقدر نقرا الموضوع الأصلي ونستفيد أكثر.





مع تحياتي