هل الدورة تتخربط فجأة والا انا حامل والتحليل كاذب؟؟؟؟

مرحبا حبيباتي...

طبعاً للي ما تعرف انا أجهضت من شهرين .. وهذا كان الإجهاض الثاني .. والحمدلله على كل حال.

بعد العملية والتنظيف يتني الدورة بعدها بـ 38 يوم .. لكن الدورة التالية تأخرت .. وطاف عليها الحين تقريبا خمس أيام وبعدها ما يتني.

طبعاً ركضت على الصيدلية ويبت التحليل المنزلي .. لكنه طلع سالب!!!!!

هالكلام من أربع أيام .. وكل يوم اسوي تحليل منزلي ويطلع لي سالب .. بس الدورة ما يت!!!!!!

واللي محيرني زيادة أن ظهري يعورني صار له أسبوع تقريباً .. وعوار بدون سبب ولا مجهود .. لكنه مب ثابت يعني يروح ويرجع .. والحين وانا اكتب لكم موضوعي حسيت بلوعة جبد وحاسة اني ابغي استفرغ .. ومن الصبح أربع مرات رايحة ياية على الحمام عزكم الله .. ما ادري فيني اسهال والا شو مع ان أكلي كله مطبوخ في البيت .. واخر مرة كلت فيها من برا كان الأسبوع اللي طاف.

سؤالي..

انا طول عمري قبل الزواج وبعده كانت دورتي منتظمة ولله الحمد .. فهل ممكن فجأة تتخربط؟؟؟ .. والا انا فعلاً حامل والتحاليل المنزلية كلها مخربطة .. مع اني جربت أكثر من نوع!!!!!!!

أدري بتقولون سيري سوي تحليل دم .. بس ترددت لأن التحليل المنزلي بالعادة ينفع وياي .. وكل مرة كنت أحمل كان يظهر في التحليل المنزلي انه ايجابي .. عشان جذي خايفة اسير اسوي تحليل دم وبعد يطلع سلبي :44:

شو السالفة؟؟