هل الرجل يتقبل شخصيتي

السلام عليكم
ابغا اقولكم ع شي انا ابغا اعرف شخصيتي كذا في المستقبل تنفع ولالا
انا ولله الحمد ربي اعطاااني قوة شخصية لدرجة يضرب فيا المثل يعني اكثر شي مميز في شخصيتي القوة وعزة النفس والثقة
والله اني ما ابالغ هذي شخصيتي بس في امور ابغا اقلكم عليها وابغا الحل فيها
والكل يعتبرني ام فضل من الله عليا ولله الحمد الكل يستشيرني اذا حصلت له مشكلة يعني باختصار تعامل الناس معاي جدااا رائع ويضرب في شخصيتي المثل
بس عيبي ما اعطي الرجااال وجه نهائيا اخواني متنرفزين من قوة شخصيتي مهي عاجبتهم نهائيا لاني صراحة انا اقولكم
بعضهم يتمنوا لو يتحكموا فينا احنا البنات ونكون تحت امرهم وتربيت ابويا الله يرحموا وامي مبنية ع التفاهم مع انوا بعضهم يتمنوا يتحكموا فينا بس برضوا اخذوا من تربيت ابويا متفاهمين ولا عندنا ولد يمد يدوا ع بنت ولا يقولها قومي اغسلي بسرعة ولا اكوي
وان كان يبغا يتكلم بأدب يسئل ممكن ,,,,,,,,,,تغسليلي ولا مين فاضية تكويلي؟؟؟؟ والكبار مرررة مانقدر نردهم
وان بعضهم اتكلم بامر ناااادرااا لمن يعصبوا مننا وناااادر جدا
معليش ارجع لصلب الموضوع
خلاص انا تعودت محد يامرني الا ابويا وامي ولو امرني ايويا والله اني مرررررة ما ازعل لكن اخواني ما استلطفها منهم مرررررررة
ما تحملهم احس اخواني الاولاد ضد شخصيتي ومع هذا محترميني لاتتوقعوا قوتي بالشتم ولا طولت اللسان لا والله بس حقي بجيبي زي مايقولوا ماتنازل بالذات في الامور المستقبلية دراسة ولا زواج وبعض الامور اتنازل
لدراجة واحد من اخواني يقول لامي لي فلانة مهي زي البنات لي كذا شخصيتها قصدوا اني اخذ حقي
ع فكرة لمن كنت صغيرة كنت ما احترم نهائيا
بس الحمد لله ع الهداية
وقبل 3 سنوات صارت مشكلة معايا ومع اخويا الكبير بس عشان اتكلم معاي بامر صرت اتكلم معاه بنفرة
مني عارفة هذا عيب فيا ولا لا والله انا لمن ابغا شي من شخص مستحيل اتكلم بامر دائما اقول الله يرضى عليك سويلي كذا بالله جبلي موية
ماترجى بس باسلوب
انا عندي مبدأ محد يأمرني الا ابويا وزوجي ما استلطف اي فعل من اخواني لانو لو فتحنا المجال حايتمادوا وصراحة انا هاذي شخصيتي وتربيت امي وابويا كذا
ساعدوني لاني شايفة اخواني مهم مستلطفين شخصيتي بس محترمين مرررة ويضربولي الف حساب الشي الي مايسولي هو يسو لاخواتي واخواتي يقول ا ش معنا
مدري تتوقعوا شخصيتي يتقبلها رجل اخر غير اخواني
مع اني واثقة بالنجاح احسن الظن بالله
بس ابغا تجاربكم
وصح قول ا(لشي الي اتعودتي عليه عند اهلك ماتقدري تتركي لو اتزوجتي ) المتزوجااات ساعدوني
معلي كلامي داخل ببعضوا فيدوني