الرجال يختلفون ، ولد جيراننا توفت زوجته وهي تولد الله يكتبها شهيدة حزن عليها وحج لها وشايل عبايتها وجوالها وبعدين اصروا عليه وتزوج
جارتنا توفت اختها وعلى طول خطب اختها ووافقوا عشان عيالها بس قالوا اجل الزواج شوي رفض وقال اذا ماوافقتوا بدور وحدة ثانية واضطروا يسايرونه وسوا عرس وقصر
وهذي قصة اتوقع تحقيق صحفي سالوا حارس مقبرة وش اغرب قصة مرت عليك قال كل يوم مع صلاة الظهر يجي دكتور يسلم على قبر زوجته المتوفية لها ١٠سنين

الرجل لحم ودم بشر له مشاعر ليش تتصورون الرجال وحوش , ياساتر من بعض الردود

أصابعك مو سوي
انا جدي الله يعطيه طول العمر علا طاعته ماتزوج بعد وفاه جدتي الله يرحمها لها 23 سنه من توفت وللعلم جدي أصغر منها سنا وهي اول زوجه يعرفها مع أنها كانت مطلقه اربع مرات وعندها ولد من زوج سابق
والله يابنات يوم توفت انه يبكي بصوت عالي كانه بزر وياخذني بحضنه ويقول لي راحت الغاليه راحت
الله يرحمها ويغفر لها يارب ولموتي المسلمين

والله ان احـر مـن دمـع اليتيـم
دمعة الرجال مـن فرقـى مـره

واحد توفت مرته ,, وكان يعشقها ,, ووقف معها وقفت رجال شهم
وبعد ماتوفت
أجبرته أمها على الزواج
وتزوج
لكن هذا البيت الشعري دائما مكتوب في ال status البلاك بيري والآي فون
الله يرحمها

جدي الله يرحمه. تزوج بعد وفاة جدتي ب 12 سنة و الحمد لله انه تزوج و الله رزقنا أعمام  عمات فيهم الخير الله يحفظهم يارب