هل الرومانسية ..... أم ..... أم ماذا ؟؟!!! أتحفينا برأيك ..........

هلا حبيبتي
انا برايي انه الرومانسية هو انه الزوج يفكر بزوجته و يعطيها من وقته
يعني يفكر و يحس فيها و حاجاتها هي و هذا يترجم ب كتيييييير تصرفات حسب هو شخصيته و خلفيته!
يعني تقدير الي هي بتسويه هذا جزء و انه يحسسها بالشكر و الامتنان مثلا !
او انه يتذكر انه يتصل فيها لما تكون تعبانه و يحسسها انه متضايق عشانها !
مو بالضرورة تكون وردة او هدية ..لأ في اشياء لها معنى اكبر و اعمق ..
.انه يحس فيها..

أنا بقولك الزوج العملي وش يسوي إذا قلتي جيب معك ورد بعد الحنة والرنة يجيب باقة ورد بس اي ورد باقة :26: من كاكاو علشان إذا مليتي من شوفت الورد تاكلينة وماتضيع فلوسه على قولته خخخخخخخخخخخخ صرت بقرة مو مره

انا في رأيي انا قمة الرومانسيه انه يخاف عليج ويخااف على مشاعرج ولا يجرحج بكلامه

مو مهم الورده مومهم الخاتم المهم ان نقعد ونضحك مع بعض ونسولف يفض فض لي

ونروح ناكل ايسكريم ونتمشى ونروح السوق مع بعض مو لازم نشتري نتفرج

المهم مانقابل وجه بعض بس وقت النوم ولا يوم نشوف بعض نبتدى ضرابه

هذا زوج رومنسي وزواج رومانسي

والسموحه على كثرة الموووووووو موووووووو

انا حقيقة احس لو رجال رومنسي طول الوقت يطلع اهبل...
اما المرأه حلوه عليها الرومنسيه
واغلب الخليجيين من جنب الرومنسيه..
وصدقوني لو وحده زوجها مو رومنسي...
ويوم قالتله انت مورومنسي........ بيخاف عليها انها تدور على الرومنسيه عند واحد ثاني..
وتحصلينه.. يمثل عليها دور الرومنسي..
صح.. الواحد يلاحظ.:09:
.. بس اش نصلح... نمشي حالنا عشان نشبع رغباتنا..

اللي يفكر فيها وين ما راح
ان راح سوق جاب لها شي ,, وان راح مقهى ذكرها بشي ,, ووو يعني يفاجاها بشي على فترات متقاربه

اللي يفكر بليلة خاصة فيهم اما يحجز في فندق او في مطعم او يطلب منها تنوم عياله مبكر
او يطلعون لشاليه عشان المسبح ,,,,,,

اللي ما ينسى الهدايا في المناسبات وغيرها

اللي يسمعها الكلام الحلو ولا يناديها الا بعمري وحياتي بدون تسحييييب

اللي يمدح ويتغزل في لبسها وجسمها ووو

اللي يهتم بريحة العطر وشكل القميص هذا اذا ما شراه هو على ذوقه ,, ويعبر عن اثارة العطر والقميص له

اللي يتفاعل مع زوجته بليلة اجتهدت فيها الزوجة مو يجامل

اتوقع انها علامات الرومانسي,,, وطبعا اللي تجي من نفسه موب بالحن والزن