هل الزواج قسمه ونصيب ....ومقدر ومكتوب؟؟

الأسرة والمجتمع

سلام عليكم جميع
اتمنى الجميع بخير وسعادة وراحة بال يا رب
مووضوعي هو خطبة بنتي الي عمرها١٨ سنه ومحتاره فالموضووع كثيير يا بنات
خطبها واحد يسير لنا من بعيييد طبعا امه صديقه لي وابوه رجال ونعم فيه وهو عمره ٢٠ سنه وحيد امه وابوه بعد ٥ بنات
مخلص ثناوي ويشتغل مع ابوه مادرس جامعه
حالتهم الماديه ممتازه وعندهم حريه مب معقدين كل شي مسموح حسب الدين طبعا
انا محتاره جدا فالخطوبه وبنتي موافقه من نفسها وتبي تكمل جامعه ايش تنصحوني فيه احسها صغيره ع الزواج طبعا الزواح سنه الجايه لو وافقنا
25
3K

يلزم عليك تسجيل الدخول أولًا لكتابة تعليق.

تسجيل دخول

Nannosh_134
Nannosh_134
مممم اذا شايفه بنتك واعية وقد الامومة والحياة الزوجية ف زوجيها
لانو اغلب البنات هالايام مفكرين الحياة الزوجية كلها شهر عسل وهالخرابيط
طبعا لها حرية الاختيار مو تجبريها عشي بس انصحيها وقوليلها الايجابيات والسلبيات
وهل رح يوافق تكمل دراستها اذا هو مو مكمل؟
احلام قطرة ندى
احلام قطرة ندى
شكرا لردك هالجيل ما يفكر فالامومه وبيت وزووج تعرفين كيف بنات اليوم بس دلعني وطلعني 😂😂😂
أرغوان
أرغوان
اذا البنت عندها استعداد
والولد كفو
واستخرتي ثم استشرتي توكلوا على الله والله يوفقهم
ام جلووي و نهار
ام جلووي و نهار
بنتك صغيره وشي طبيعي بتقول موافقة تفكير البنت المراهقه مب مثل الكبيرة هي تتخيل فستان ورومانسية
لو بنتك تبي تسافر بروحه او حتى تسهر مع صديقاتها احتمال ترفضين بحجة صغيره وماتعرف مصلحة نفسها ف كيف تأخذين رايها على زواج وعلى موافقتها!
الزواج مع الجامعه صعبة وبهذلة ومسؤولية كبيره
خليها تكمل دراستها وهي ببيت ابوها ومرتاحه
والعريس صغير حيل هو بعد مراهق كيف بيدير بيت ويربي اطفال
بكرا يوم توصل ثلاثين وعيالها طولها بيقول عجوز وانا توي شباب ويدور غيرها
نيللي 990
نيللي 990
اهم شي تستخير الله وانتي لا تبخلي عليها بالنصيحه وفهميها ان الزواج مو شهر عسل وفسح وسفريات وحب وغرميات وبس
فهميها انو الزواج مسؤوليه وماراح تكون مسؤوله عن نفسها بس راح تكون مسؤوله عن زوج وبيت واذا ربي رزقها بسرعه بخلف راح تنشغل عن دراستها بالحمل والامومه وهذي لحالها مسؤوليه وبما انه وحيد امه راح يكون التركيز عليها مضاعف والتدخل في حياتها وارد جدا بما انه عنده اخوات واكيد يقاربونها في العمر خليها تاخذ وقتها في التفكير ولا تتسرع وانتي اجلسي معاها وفهميها ان حياتها عند زوجها تختلف عن حياتها لما كانت عند اهلها
الزواج في سن مبكر له سلبيات وايجابيات عشان كذا المسؤوليه الحين تقع على عاتقك انتي وابوها كيف انكم تشرحوا لها الوضع بكل وضوح وتعطوها فرصه للتفكير بدون ضغوط وبدون تسرع عشان القرار اللي راح تتخذه يكون مسؤوليتها بالكامل وهي اللي راح تتحمل نتائجه حتى لا سمح الله صار شي ما تلقي باللوم عليكم
والله يوفقها