هل السبب الام

ثقتي يابنات اقسم بالله صفرررررر
تعرفون ايش صفر تكفون بنات تكفون كيف أكون
واثقه من نفسي ولي شخصيه متخيلين الحين اختي اللي ٢٢
سنه وانا 28 هي تقرر عني احيانا هي تتحكم هي شخصيتها
قويه انا من أسباب ضعف شخصيتي كثيره
اولها واحملها كل شي اميييي
امي للأسف لاني جيت البكر اول بنت ماحبتني
مادلعتني يمين بالله لليوم ٢٩ سنه ماذكر
ضمتني او باستني اتركو كل هذا فتره المراهقه كانت
اخطر فتره
وأتعس فقره بالنسبه لي تعرفون المراهقه انا شكلي
وانا طفله وانا بالابتدائي كان عادي يعني وانا طفله
كنت اجنن بيضاء وخدود
بالابدائي بديت انحف واسمر مادري ليش فجاه بالمتوسط
فترة المراهقه سمنت مره لدرجه وصل وزني٨٠وانا
طولي ١٥٥ وشعري كان ليفه ماكان عندي احد يهتم فيني
وكنت سمراء وخشمي كبير يعني بفتره مراهقه بذاك الوقت
تعرضت لأنواع التحطيم التنمر من امي يالدبه يالعبده
ياللي فيك وفيك وفيك وفيك وكانت طول وقتها معصبه
علي مو طايقتني تحططططططططمت بشكل
ماتتخيلونه كنت اشوف خواتي الصغار امي تعاملهم غير
بحب وحنان استغرب سالت اكثر من إخصائية
قالت لي اذكر امك ممكن لما جايتك كان فيها اكتئاب
بس تعرفون الاولين مايعرفون ايش اكتئاب
او انها ربتك تربيه جافه من بيئه نشئت فيها
وصحيح امي تربت عند امها بضرب ولعن وسب
وكانت جدتي تفضل خالتي على امي لان خالتي حلوه
مرت السنين وكل ماكبرت للأسف عندي أختين
لكن فيه وحده احبها وابكي دايم من أسلوبي احيانا معها
احس بشعور الغيره منها لدرجه غريبه دايم أقارن نفسي فيها دايم اقلدها بكل شي
لدرجه امي لاحظت انتي تقليدين فلانه انتي تقارنين
نفسك بها انتي اذا قالت فلانه ايه قلتي ايه
واذا عيت فلانه تسوي شي سويتي زيها كان شعور
الغيره ولليوم احاول اتخلص منه من اختي موب قادره
اختي ماشاء الله جامعه كل شي من جمال من شخصيه
من حب اقارب واهلي
امي
الله يهديها صارت تعاملني زي البزر مثلا امي
تهاوشت مع فلانه اللي هي اختي تجي تقول اي روحي لها
تسحبك على كيفها اذا شافتني طيبه معها
قالت تسحبك تطاوعينه مالك شخصيه
واذا شافتني قمت أعارضها واهاوشها قالت تغارين منها !!
يعني بكل الحالتين واقفه امي بصف اختي
صرت مالي شخصيه عايشه كذا بس !
تخيلو انا صارت مشكله بالمويه حقتنا وصرت اشرب مويه صحه وأختي نفسي وامي تقول موسوسين ومادري ايش
فجاه اختي صارت تشرب مويه عاديه تجي امي
تقول ليش ماتشربين من الحنفيهً هذا حتى فلانه تشرب
منها !
طيب انا وش دخلنا فيها بفهم بكل شي تقارني فيها !
او مثلا احنا نسوق امي عادي تترك اختي تدوج
وتسوي كل شي بالسياره لما تشوفني انا بطلع
تركبها الجنيه وتتضايق وتستفزني وتحاول تضايقني وتكرهني بالطلعه يعني المنه والموت اطلع
اقسم بالله صرت اشك مليوني بالميه ان امي تغار مني
بنات بس عيونها علي تكرهني مو الكره الضرب وكذا
لا تكرهني بالتحطيم كاني بنت زوجها
دايم دايم تقارني ب اختي وبنات اقاربي عكس اختي
بحياتي شفتها تقارنها بأحد خاصه انا بوقت المراهقه
كانت امي تقارني ببنات اقاربي بكل شي من ناحيه الشكل
والجسم والدراسه والشطاره لما خلاص انهت شخصيتي
عمري قرب ٣٠ وانا كاني طفله كان فيني رهاب
ماعرف اتكلم اتوتر حتى بالسلام ولا اعرف اجيب سوالف
واكل الناس بلساني حتى لما احد يكلمني ماعرف احط عيني بعينه
عكس اختي تماما بالجراءه واللسان والثقه لان امي
معطيتها من الطفوله كانت تراعيها بالمراهقه
امي
بشكل فضيع لدرجه لو تضايقت من بنات تروح امي
بكبرها للمدرسه تشتكي عليها وتقول انقلوها من الفصل
كل هذا عشان نفسيتها وانا مو طاقه لي خبر
كلمت قريبه لي بهالموضوع
قالت امك كذا تربت لاتلومينها وانا وش دخلني
طيب تطلع عقدها النفسيه فيني ؟؟
انا الحين صرت مريضه نفسيه ومحطمه وكاره نفسي وشكلي ولا اعرف اتواصل مع الناس ولا لي شخصيه ولا شي حتى لما ابي اسوي الشي كل تفكيري ب امي وأختي
اخاف من رده فعلهم صرت زي ماتقول امي حسيت نفسي
صدق اي شي تسويه اختي اقلدها بدون ماحس
امي زرعت الفكره هذي فيني ان فلانه سوي زيها
حطي زيها هذا غير المقارنات اللي تذبح
يمين بالله كل ماكبرت كل ماكرهت نفسي دايم اقول
خلاص راح عمري الحين ٣٠ باقي لي كم سنه واصول ٤٠
وانا ماعشت ابد 😭
ولا راح أعيش وذولا اهلي للأسف
تكفون بنات عطوني حلول انا حاولت اغير نفسي
لكن لاحظت كل يوم شخصيتي ب انحدار
كل ماكبرت اصير عصبيه أكثر اتحسس وتجرحني
ادنى كلمه
واسوي مشكله وازعل من اي كلمه وبيني وبينكم
امي بالذات صايره ماطيق ولا أتحمل منها كلمه
قسم بالله ماودي اصير كذا لكن شي نفسي كذا صايره
ماتقبل منها شي ولو تقولي حرف رديت بعشر احس كاني
جالسه انتقم عكس اختي لما تغلط علي ولا تتكلم اتهاوش
معها بس ماتهمني اطنش لكن امي لا احس بمتعه
وأحس يهمني اني ارد واصارخ