هل الصافي دانون يهوديه ؟ تأكد بنفسك !

منقووووووووووووووووووووووول


السلام عليكم ,

سمعت قبل فتره الكلام الي متدولينه في المنتديات عن ان الصافي دانون فيها مواد تسبب العقم و مواد اخرى سامه وان لها علاقه ملكيه يهوديه ,,,,
ثم قلت والله ياخي وشلون الكلام كثر على كل شي حتى الواحد ما يدري وش يشرب ولا ياكل ولا وين الصدق من الكذب في وقت الكل قام يستغل طيبة الناس وحرصهم على دينهم لاهداف شخصيه خصوصا و ان بعض هالكلام يحوي مدح لشركات منافسه ؟ يعني بالعربي و اضحه , لكن حسبنا الله و نعم الوكيل ,,, لكن الزين اني انا عندي معلومات سابقه عن الشركه وبعد عندي علاقه شخصيه بناس اعرفهم من الصافي بحيث اني مع بحث خارجي عن الشركه دنون اقدر اعرف هل الكلام ذا صحيح و نأكد عليه او ان الدعوا تلاعب بعقول الناس و طيبتهم لاغرض تسويق منتجات منافسه , و نعطي بعد شركة الصافي حقوقها كامله لانه حرام و ما يجوز شرعا اننا نعاون ظالم على مظلوم او نتهم ناس بدون وجه حق و ننشر كلام قد يكون بالعربي ملفق,

المهم تبين لي من البحث التالي :-

1- تم الاتصال بالمطيري الي منسوب له الكلام هذا على انه من الجوده و المقاييس و يقول و الله اني ما ادري من ملفق علي ذا الكلام و انا اصلا في شركة الاتصالات؟ يعني انواع التزوير,,, الغريبه ان رقمه مكتوب 4527319 وهذا رقم الاتصالات , اتصلوا عليه تكف و تاكدوا .


2- مطروح من شركة دانون نسبة 84% لتداول بكل العالم ( تلقى راعين الاسهم الحين يقولون بكم السهم ) و اكبر نسبه هي 4% رايحه لشركة تأمين و عائله فرنسيه اسمها
ريبون ( ياراعين القوقل , قوقولوها )



3- النكته وشي؟ , دانون اصلا تواجه حمله من اليهود والصهاينه بامريكا , وشلون طلعت يهوديه ؟



4- يقولون لي الي في الصافي , ان الغبنه وشي؟ تبرعات الشركه لامور الخير واضحه و معروفه بل وان الصافي رفضت تاموين القوات الامريكيه في العراق و مع ذالك الناس قاعدين يتناقلون اشاعه مكذوبه !!.




الي اقوله , والله اننا في وقت صارت المنافسات التجاريه و تشويه سمعت الناس عند الي ما يخافون الله اهم من الدين .بس عاد تدرون وش الي مضيق صدري اكثر و انا اخوكم اننا قاعدين نساعد الاشكال ذي على استغلالنا و نجمع هالشاعات و نآمن عليها بدون التحقق ناسين اخف شي قاله الرسول صلى الله عليه وسلم في الموضوع هذا (يكفي من الكذب نقل الحديث) او كما قال عليه السلام فما بالك بنقل كلام واضح كذبه اصلا و يدمر السوق المحلي عندنا و يوقف عمل الخير الي تقوم به الشركات هذي .