هل الطلاق حل ؟

السلام عليكم
انا متزوجة من ٣ سنين وعندي طفل ماكملت دراستي
حياتي مع زوجي كلها مشاكل ما يعدي يومين بدون مشاكل الله يشهد اني في حالي واقوم ببيتي وكل شي لكن زوجي ما يطيق مني كلمة دايما يغلط عليا ويقولي انتي ما تعرفي شي وجاهلة وشغلك مو نظيف واي خلاف يدخل اهله اذ زعل شال ولدي وخرج زي اليوم الساعه ٥ الفجر شاله وخرج فيه يقول بروح اقول لي اهلي عنك واطلع فضايحك
اقسم بالله اني طيبة معاه وماعمري قصرت في حقه يقولي انا طفشت منك وصبرت عليكي كتير كل كلامو صراخ اليوم بس كنت بكلمه بروح السوق الصباح يرد عليا بنرفزة ابش تبغي واختصري ولا تكتري كلام ونا كنت بفهمه ليش ابغا السوق عصبي ويسب ويغلط ويزعل بالاسابيع واذ راق يوم او يومين ويرجع اخص كل مشكله يطلع عني كلام جديد وكل شوية يقولي بتزوج انا طفشت
بنات لو قال شي ونسيت ما سويته يعايرني فيه ولا ينسى رغم اني قايمه فيه و في بيتي وفي اهله طيبه معاهم رغم اسلوب البعض معايا
امس اهلو جوني يعيدو ارحب فيهم محد يرد
قبل امس اخته جاتني مع زوجها لطعتني نص ساعه ما جاءت سلمت عليا ولا كاني صاحبة البيت لما طفشت جاءت ونا كلو ساكنه وكاتمه في نفسي ولا بتكلم عنده
انا نظري ضعيف اوقات انظف في البيت ويبقي اثر او شي يقوم يقولي ماتعرفي وشغلك مو نظيف ومشاكل يبغاني زي الريبوت اشتغل ٢٤ عا ٢٤
مزاجي يهجرني بالايام كل مشكله يقولي دقي على اهلك وروحي انا ما ابغاكي ولدي من تصرفاته واضح يبغا يكره فيني يضارب معايا ويروح عنده يكلمه عندي وعمره سنه وشويا الولد
انا ما كملت دراستي وابوية من الرجال الصعبين يعني لو اطلقت بتعب عنده كمان وما اعتقد بيشيل ولدي ونا خلاص فاض فيني و ما اقدر اتخلى عن ولدي
دخلت قبل فتره اهلي ما انحل الموضوع دخلت اهله وقفو في صفه وصارت مشاكل اكتر
كل مره اروح عند اهلي انا اللي اكلمه واحل الموضوع وارجع و هوا مرخص فينني عشان بيتي و ولدي وماعندي احد يساعدني غير الله
ما ادري ايش اسوي تعبت