هل الطلاق هو الحل ؟

السلام عليكم و رحمة الله و بركاته

و الله يابنات يافي كلام بقلبي احس بنفجر من القهر .. بكتب بكتب دون مااراجع كلامي ابي كل اللي بخاطري يطلع

الحين انا وزوجي لنا سنتين و كل مره مشاكل اتحدا انه يمر اسبوع بدون مشاكل يابنات مايحترمني و يطفشني و يبهذلني على اتفه الاشيا

ماعمري قلت شي وصار لا بالعكس دايم وده يحسسني اني ناقصه و دايم يذكرني فيه احلى منك كثير لا تغتري و انا مااغتر بس هو ينقهر مني مدري وش سالفته

لو اقولكم وش المشاكل لا تعد و لاتحصى بس المشكله الحين انه كل مااعطاني فلوس و الا هلي عطوني بهذلني لاهو اللي يخليني اشتري اللي ودي فيه و لاشي اخر شي ارميها بوجهه وارتاح

عطاني مع الراتب مبلغ صغير مره طبعا لان راتبنا كله قروض عطاني 300 و للحين وانا اطره ابغى اروح اشتري لي شي جديد بيها وذل امي عليها يوم الاربعا طلع من 12 الظهر لين 12 الليل و يوم جا قام قال بكرا مع اذان العصر و احنا برا نتمشى يوم قلتله ودني السوق قام ينافخ لا و مدري ايش قلت ابي اغراض ماعطيتني فلوس و زعل و عصب و حلف مايوديني مكان


اني تعبت منه و من اسلوبه و لا مره جبر بخاطري و خلاني اتهنى مع اني و الله ببيت اهلي كل اللي ابيه القاه

الحين يقولي انتي لو اعطيك فلوس و اخونك عادي عندك والله من المذله ماصرت اشوف الريال الا بالسنه حسنه

لا ويقول وش حادك تقعدين معي و فوق ذا خذا الفلوس اكرررهه اكررررهه اكرررررهه لو ماعندي ولد الله يحفظه كان ماقعدت معه اصلن