هل العروسة الي تزوجت و لبست عاري قدام زوجها والمعازيم أحسن من العروسة الي محتشمة ؟؟آ

السلام عليكم
بعض البنات يوم زواجهم لبسوا حلو ومحتشم يعني يظهر جزء من الصدر واليد طبعا فيها كم بس قصير
الفستان طبعا طويل !!

ألحين كل الي طالعين عندنا لازم يكون فستانها عاري من فوق يعني مافيه كم ولاصدر وإنما قصة السنتيانة وبس ؟؟
أو بحبال فقط من فوق ؟؟
أو كم فيه وكم لا ؟؟
أو على الرقبة بس ؟؟والظهر كله عاري
أو فستان لكن حباله عريضة وطبعا من غير كم ؟؟
تناقشنا كثير في اللبس والبعض معجب بهذا اللبس ويشوفونه من التطور والموضة الراقية ؟!!
ويقولون خليها تلبس مابدا لها هي أمام زوجها ماهي أمام رجل غريب والباقين حريم مثلها وألحين كل الناس كذا ؟؟

والبعض يقول لا عيب وين الحياء ؟؟المفروض تلبس كم وتستر نفسها يرحم أيامنا ؟؟

ما أدري يا أخوات فيه أشياء بالنفس ما أدري من الشيطان يلعب فينا ؟؟ما أدري هي تقليد لغيرنا بدون تفكير ؟؟

يوم العيد عايدنا وحدة كانت الله يصلحها لابسه بس توب من دون حبال ؟؟تخيلوا على بنطلون ؟؟
وكأن السوق مافيه لبس للعيد غير التوبات والبناطيل ؟؟وشفتها مرة خرجت بهذا اللبس تزور ناس

وكثير ناس أشوف لبسهم التوبات فقط مع البناطيل الضيقة لللأسف ؟؟يعني مافيه ملابس في الدولاب إلا هي سواء عيد فرح مناسبة زيارة كله نفس الموديل ؟؟

ماأدري ويش يقولون على اللبس الي يشوفوه على غيرهم المحتشم أكيد يكون بالنسبة لهم قديم وبايخ ومو عالموضة الله يهدي الجميع أبغى آرائكم ؟؟وهل أنتشر في مجتمعكم هذا الداء الخطير اللبس العاري قدام النساء في كل المناسبات ؟؟