هل العيب فيني والا هذا حظي

السلام عليكم يابنات انا مريت بمشاكل كثيره بحياتي ودايم اكتب لكم هنا واستشيركم انا من تزوجت ماحسيت اني زي الحريم زوجي مايدراني ابدد ولاياخذ بخاطري ولايحس فيني ابدد على اني دايم اتحور معه واطلع له الي بقلبي واقول له عن وش ابي واقول له انا انثى زي الحريم احتوني سمعني كلام حلوو جب لي هديه ابي احس اني انثى وعندي شريك حياه يبادلني نفس الشعور احس بطعم الحب والله احيانا ابكي اقول له ماتحبني ليه تتزوجني واحكي له عن خواتي وصديقاتي والله اذا تجمعو هذا جابه لي يوم حملت وذا يوم عيد زوجنا وذا يوم زعلت حياتي انا وياه نفس الاخوان بضبط ماكانا متزوجين ابد على انه انسان يحب الحريم ويقز فيهم ويتغازل بالممثلات والفنانات اقول هذا انت تتغزل فيهم انا مااستاهل كلمه حلوه مثلهم تخيلو يروح الاستراحه يوميا انوم عيالي واتجهز له يجي متاخر ويجلس على جواله وهو يشوفني انتظره تخيلو يعطيني ظهره ويجلس عليه وانصدم معقوله قاصد والا وش اذا سالته يقول تعبان طيب التعبان مايجلس على جواله ينام يسكت وقلت مليون مره ماتبيني طلقني اشوف حياتي الحياه ماتوقف عليك والا علي يسكت ولاكانه يسمع شي وكنت حامل واقول يمكن عشاني حامل مايبيني وقلت اذا ولدت فكر زين اذا رجعت بنعيش نفس اول تر ماني راجعه ابد تصدقون الحين يجيني عشان اولادي يشوفهم بس ٥دقايق ويروح ولايكلمني بربع كلمه قلت له لا عاد لا تجي تبيهم خذهم من عند الباب جفافك العاطفي الي معي موطبيعي انت تتعمد وتتدري اني ازعل والشي ذا يحرقني وتتطنش منت ملزوم والا محلوف عليك يسكت واذا جاء من بكره جاء يشوفهم يابنات تكفون ساعدوني هل انا ابالغ والا مايبيني انسان جربت معه كل الحلول وانا اول حياتي معه كلها بمشاكل وتتطلقت منه وجلست عند اهلي ٤سنوات ورجعت له من كثر ماكان مايتردد علي بس رجعت له ولاتغير فيه شي ابدد عمري ماحسيت اني انثى ولاحسسني بالحب والله انه ماعمري حسيت اني متزوجه حتى الحاجات البسيطه مثل الي تصير بين الزوجين ماعمره سوها لي وش اسوى تكفوون انا انثى وصغيره ولاشفت من الحياه شي معه هل انفصل مره ثانيه والا وش اسوى